...:::E-KiCkS::...

කැම්පස් වැසීම, අලුත් සුන්දරී සහ Kies එකෙන් බෑ කියලා බ්ලොක් කරපු Samsung Galaxy වලට අලුත් OS දාන්න ලේසි විදියක්.

2012-01-12T21:49:00.002+05:30

අඩේ ඔන්න ඉතින් ආයෙත් කැම්පස් වල කේස් වගයක් පටන් අරන්. දැන් ඉතින් හරි ආයෙත්. අපේ එකෙත් මොකක්දෝ හුට්ටප්පරයක් පටන් ගන්න වගේ යන්නේ. කරන්න දේකුත් නැති නිසා ඔන්න ඔහේ ආවා එන්න ගෙදර. දවසම නිදාගත්තු එක තමා කලේ. පොඩ්ඩක් ආවා මේ පැත්තේ. එතකොට තමා මේ බ්ලොග්ගෙට ලියන්න දෙයක් මගේ කම්පනාවට ආවේ.

කට්ටිය දන්නව ඇතිනේ මමත් ඇන්ඩ්‍රොයිඩ් බට්ටෙක් ගත්තා කියලා බලා ඉඳලා ඉඳලා. බට්ටා අරන් ඉතින් පහුගිය ටිකේම කරේ ඕකේ තියෙන හුට්ටප්පර ටික බල බල කරන්න පුලුවන් හැම මගුලම කර කර බලපු එක තමා. (පහුගිය ටිකේ ඉතින් බ්ලොග් කාරයෝ කීප දෙනෙක්ම ඇන්ඩ්‍රො උණ හැදිලා අසනීප වුනානේ). :P

ගැලැක්සි පවුල

දුප්පතකමට ගත්තු හුට්ටප්පරෙත් දාන්න තියෙන හැම කෙහෙම්මලක්ම එබුවා කියහන්කො. තව එකයි ඔබාගන්න බැරි වුනේ. :P

ඕකේ තිබුණු ඇන්ඩ්‍රො වර්සන් එක සීතල යෝගට් (Froyo). :D ඉතින් මම පොඩි එකාටත් ඕනේ වුනා ඕකට ඉඟුරු පාන් (Gingerbread) දාගන්න.

(පෝරං සයිට් වලයි ඇරීනා අක්කයි කට්ටියම කියලා තිබුණනනේ මිනියට (මූට) ඉඟුරුපාන් කවන්න පුලුවන් කියලා.) දන්න කියන උන්දලාගෙන් අහලා බැලුවා කොරන විදිය.

අපේ ගයන්ත මලයත් උගේ ටූල් එකට පාන් කවල තිබුණ හන්දා ඒක අහලා මටත් සෑහෙන්න උණක් තිබුනා මගේ මෙවුවා එකටත් පාන් කවන්න. මොකද Froyo උඩ දුවන්නේ නැති සමහර ඇප් කෑලි පාන් වලට ලස්සනට දුවනවා.

ඉතින් අපේ ගයන්ත මලය කියාපු විදියට මමත් සැම්සුන් කයිය එහෙම දාගෙන වැඩට බැස්ස බලන්න. අම්මට සිරි මේ යකා කියාපිකෝ මගේ එකත් එක්ක ඕවුවා ඔට්ටු නැහැ කියලා. යකා කිවුවේ ගයන්තයා නෙමේ kies එක. :P

බෑ කියන එකමයි වැඩේ

මල අතේ. කඩුද අයියෝ මොනරු බර ගාණක් දීලා ගත්තු එක අප්ඩේට් කරන්න නොදෙන එකා. x-(

පස්සෙ තමා මතක් වුනේ. ෆෝන් එක විකුණපු උන් එහෙමත් කිවුවා මේක අප්ඩේට් කොරන්න ඔට්ටු නැහැ කියලා. :(

ඒම කියල කෝමද මට මේකට පාන් කවන්නම ඕන. :@

අන්තිමට ඉතින් තිබුණ විසදුම වුනේ කස්ටම් රොමක් දාන එක තමා. එක්කො බීටා එකක් ඇදලා අතඅරින එක. ඒත් ඉතින් වැදූ මවු දෙන එක තරම් වෙන එකක් ගැන විස්වාසෙ තියන්න පුලුවනෑ :D

ඕන ඇටිකෙහෙල් ගෙඩියක් කියලා ගූගල් දෙයියන්නාන්සේට බාරයක් ඕප්පු කරලා ඇදලා ඇරියා පූජාවක්. හෙන ගහපං කිවුවලු. මේං මේ යෝදයා දීලා ඇදලා ඇරපි තඩි දිග පෝරං එකක්.

කවද කාපු ටකරංද කිවුවලු. කැම්පස් එකේ දෙන කඩ්ඩ ටියුට් එකක්වත් කියවන එකෙක්යැ මම. :D අනේ හත්තිලවුවේ ඒත් ඉතින් වෙන මක්කොරන්නේයි පාන් කන්න නං කියවපං කියපු හන්දා කොනක ඉඳන් පටංගත්තා වැඩේ.

හරී බඩු හම්බුණා :D

නෑ බොලවු. මම වගේම පාං කන්න ආසාවෙන් ඉඳපු උන්දැ කෙනෙක් කොරාපු වැඩක් ගැන යස අපූරුවට විස්තර කරලා තිබුනා ඒකේ. බැලින්නං පොරත් සිරි ලංකාවෙ ඩයල් එකක්. අපේ අයියලා ඉතින් දක්සයෝ නොවැ. ;)

මේන්න මෙහෙමයි වැඩේ යන්නේ. හැබැයි මේක කරන්න පුලුවන් මං හිතන විදියටනම් සැනසුම පෝං වලට ඉතරයි. :D

සමහර සැම්සුන් ඒවුවා කයියට ගැහුවම පෙන්නන්නේ මෙහෙමයි. ඒ කියන්නේ අප්ඩේට් කරන්න ඕට්ටු නැහැ.

මුලින් මේකට ගේම දෙන්න ඕනා. ඒ ගේම දෙද්දි ඔයාගෙ සබ්බ සකල මනාවම නැතිවෙනවා. ආං ඒ නිසා ගේම දෙන්න කලින් කාමරයක් අරන් ෆෝන් එකේ තියෙන අරවා මෙවුවා ටික "පස්ස උස්සලා" එකක් ඒ කිවුවේ බැක් අප් එකක් (සිංහලෙන් backup) ගන්ට ඕනේ. නැත්තං මල හුට්ටප්පරයයි.

ඒ නිසා මුලින් පස්ස උස්ස ගන්න. :D කයිස් එකෙන් පස්ස උස්සන්න ගියොත් ඔයාගේ සුවිටි පැටියා ඔයාට එවුව ඇස් ඇම් ඇස් මැසේජ් ටික බේරගන්න බැරි හන්දා මේන් මේ පෝං ඇස්පෝලර් එක දාලා මේකෙන් පස්ස උස්සගන්න. :D

මෙයා ඔයාගේ ඇප් කෑලි ටිකත් බේරලා පස්සත් උස්සලා දෙයි. :D

හරි දැන් ඉතින් පස්ස ගානට උස්සගත්තනං වැඩේට බහිමු. දැන් මෙහෙමයි. ඔය "This device can't update via Kies" කියන එක එන්නේ ඔයාගේ පෝං එක තියෙන මොක්කද මන්දා සෙටින්ස් හුටප්පරයක් හන්දලු. CSC කෝඩ් ද මොකක්ද මන්දා කෙහෙල්මලක්.

ගූගලානම් කිවුවේ CSC කියන්නේ CSC (Country Sale Code)මේං මේකලු.

රට රටට ගැලපෙන සෙටින්ස් වගයක් වෙන්න ඕන මේ කියන්නේ. සමහර එවුවට අප්ඩේට් දෙන්නේ නැත්තේ මේ කෝඩ් එක සැට්කොරලා තියෙන සෙට්න්ස් වලට අප්ඩේට් කරන්න ඔට්ටු නැති හන්දාලු.

දැන් ඉතින් හරිම සිම්පල් ප්ලෑන් එකක් තියෙන්නේ. මාරු වීම. බය වෙන්න එපා මම දන්න තරමින් මෙහෙම මාරු වුනා කියලා වෙන කිසි අවුලක් වෙන්නේ නැහැ.

පුංචි ප්‍රශ්නෙකට තියෙන්නේ මේ මට වගේ වොරන්ටියට කෙල වෙන එක විතරයි.( ඒකත් තාම සුවර් නැහැ ). :P

සෝ එහෙනම් අපි මාරු වෙමු.

ඔයාගේ පෝං එකේ IMEI අංක තහඩුව ඕනේ. ඒක හොයාගන්න දන්නේ නැත්තං ඉතිං

*#06#

ඔබලා හරි, මෙනුවෙන් හරි මොන අහවල් එකෙන් හරි අංකෙ ගන්ඩ.

හරි දැන් ලෑස්තියි. දැන් අර අංක කෑල්ල ලියාගත්තු කොල කෑල්ල අතට අරන් පෝන් එකේ මේන් මේ නොම්මරේට අමතන්න ඕනේ

*#272*IMEI#

(IMEI කියන කොටස වෙනුවට ඔයාගෙ IMEI අංකෙ ගහන්න)

ඕන් අයේ කිවුවා. බැකප් නැත්තම් බැකප් එක අරන් එනවා හොඳයි. මේකෙන් ෆෝන් එක රී සැට් වෙනවා. ඕන නොකිවුවා කියන්න එපා. :D

ඔන්න ආවා CSC මෙනුව.

ඕකේ ඇති කෝඩ් බරගානක්. හ්ම්. බය වෙන්න කාරි නැහැ. ඕකේ යටටම යන්ට. යටම තියෙනවා GLB කියල එකක්. ආං එතනට සැට් කොරලා Install කියන බොත්තම එබුවම බුවා අහයි කොරන්න ඕනමද කියලා.

සර් ලාස්ට් චාන්ස්!

බෑ වගේනම් බයයි වගේනම් මෙතනදි තමා වැඩේ අත අරින්න පුලුවන් අවසාන අවස්ථාව. කැමතිනං ආයෙ හැරිලා ගියත් අපි තරහ වෙයි. :P

හ්ම්. දැන් ඉතින් ‍පෝන් රාජයා ඉන්ස්ටෝල් එකත් කොරගෙන ආයෙම පණ ගහල ඒවි. ආ කෝමද ගත්ත දවසේ වගේ තියෙන අපූරුව :P පෝං එක රීසෙට් වෙලා බන්. :D

සරි දැන් ඉතින් ඔයාගෙ කොම්පීටරේට ඉන්ටර්නෙට් එහෙම අමුණලා කරලා ගන්නකො. ඊට පස්සේ ෆෝන් එකත් කේබල් එකෙන් අමුණ ගන්න ඕන කොමාටම.

හැබැයි ඔන්න මතක තියාගන්න. බැටරිය ෂුවර් නැති ලැපකින් හෝ යූපී ඇස් එකක් නැති ඩෙස්ටොපකින්වත් මේ වැඩේ කරන එකනම් එච්චර ඇඟට ගුණ නැහැ. මොකද ෆෝන් එක සදහටම දොයි බබා වෙයි. ත දෙයක් මේ වැඩේ කරන්න මම වින්ඩොස් හත 64 ලැපකින් ට්‍රයි කරා. මල හුට්ටප්පරයක් වෙලා ඉවර වෙලා බෑ කියල අත ඇරලා දානවා. සෝ මං කියන්නේ වින්ඩෝස් ඇක්ස් පී වගේ පොරක් එක්ක ගේමට බහින එක තමා සුවර් කියලා. ඒවගේම සුවර් මැසිමක් වෙන්නත් ඕන. හිටිගමන් ගල්වෙන කොමාලා එක්ක මේ වැඩේ කොරන්න ගිහිල්ලා අල කරගන්න එපා. ඕන් මට බෑ බේරගන්න. :-/

රායිට් දැන් කයිය ඕපන් කරගමු. බුවා ෆෝන් එක රීඩ් කරලා නෙට් එකෙත් අලවෙලා විනාඩියෙන් විතර එයි.

ආ දැක්කද දැන් අර බෑ කිවුව එක දැන් පුලුවන් කියන හැටි. මුලින්ම බලන්නේ කයිස් එක අප් ටු ඩේටඩ්ද කියලා. බැරිවෙලාවක් පරණ කයියක් නම් බුවා කියයි කයිය පරණයි, අලුත් කයියකට අප්ඩේට් එක දාලා ‍‍ඊට පස්ටස ෆෝන් එක අප්ඩේට් කරගනින් කියලා. එතකොට ඒම කරන්න. :D

හ්ම් කයිය අප්ඩේට් වුනාට පස්සේ ඔයාගෙ පෝං එකට හරියන අලුත් වර්සොන් එකක් තියේනම් මෙහෙම මැසේජ් එකක් ඒවි. හ්ම් බය වෙන්න දෙයක් නැහැ. මවු සමාගමෙන් දෙන සුවර් බඩුවක්නේ. ;)

අප්ඩේට් එකක් තියෙනෝ!!

ඉදිරියට යනු!

ඕම ඉස්සරහට යන්නයි තියෙන්නේ "ඉදිරියට යනු" කියලා විධාන කර කර. එක කොට නෙට් එකෙන් බාලා දාලා ගහලා ඔයාගෙ ෆෝන් එකට හරියන පාන් ගෙඩියක් ඔබලා දෙයි.

හරේ මෙන්න වදිනවා. :D

කොයිම වෙලාවකවත් වැඩේ ඉවරයි කියලා පණිවිඩයක් එනකම් පෝන් එක ගලවන්න එපා කේබල් එකෙන්. ෆෝන් එක මේසෙ උඩ තියලා ඌට වැඩේ කරගන්න ඇරලා ඔයා පාඩුවෙ වෙන දේ බලන්න ඉන්න. :P

සේරම හුට්ටප්පර ඉවර වුනාම පෝන් එක පණ ගහල එයි. :D

දැන් ඉතින් About Phone කියන කාමරේට ගිහිල්ල ගේම බලාගන්න පුලුවන්. ;)

අන්තිමට ලිඳට වැටිච්ච එකා ලිංකටින්ම ගොඩ එන්න ඕන හන්දා අර උස්ස ගත්තු පස්ස පාත් කරගන්න. ඒ කිවුවේ බැකප් එක රී ස්ටෝ කරගන්න. මයි පෝන් ඇස්පෝලර් එකෙම්ම ඒ වැඩේ කොරගන්ට පුලුවන් :D

-සාරාන්සේ-

මම මගේ පෝන් එකටයි පොඩි හසීගෙ ෆෝන් එකටයි මේ ඔපරේසම කලා. ඒ නිසා අත් දුටුවයි ප්‍රත්යක්සයි :D

කස්ටම් හෝ බීටා රොමක් ගහනවට වඩා ඔරිජිනල් එකක් දාගන්න එක බඩු සුවර්නේ ;)

ජය වේවා!!! කතාව අදට ඉවරයි. වොරන්ටියත් ඉවරයි :D

ප/ලි

මාකට් එක පැත්තේ ගියාම සපෝර් කරන්නේ නැහැ කියල පෙන්නන සමහර ඇප් මැනුවල් ඩවුන්ලොඩ් කරලා ඉන්ස්ටෝල් කරාම දුවන්නත් ඉඩ තියෙනවා අලුත් එවුවයේ. :)

ප/ප/ලි

අපේ බ්ලොග් සෙට් එකත් පහුගිය ටිකේ පිස්සුම ආතල් එකක් අරන් තිබුණා. යන්න වුනේ නැහැ නෙව. බලමු ඊගාව එකටවත් යන්න.

නැතුවම බැරි එක

2011-12-21T16:49:00.001+05:30

පහුගිය ටිකේ වැඩ ගොඩගැහිලා මේ බ්ලොග්ගෙ අමතකම වෙලා තිබුනෙ. ඉතින් මේ පැත්තට ආවා ඔන්න. ලියන්න දෙයක් ගැන හිත හිතා ඉන්නකොට තමා අයිඩියා එක ඔලුවට ආවේ.

ඇටෙන් පොත්තෙන් එලියට ආපු ගමන් කොල්ලන්ගේ කෙල්ලන්ගේ ලොකුම උවමනාව වෙන දේ ගැන. ගොඩක් කොල්ලොනම් පිස්සුවෙන් වගේ හොයන දෙයක් තමා මේක. කෙල්ලොත් මොන සෙල්ලමක් දාලා හරි එකක් අයිති කරගන්නම තමයි බලන්නෙ. හැබැයි කෙල්ලොන්ට නම් වැඩිය මහන්සි වෙන්න වෙන්නේ නැහැ කොල්ලොන්ට සාපේක්ෂව. ;) හික්ස්.

උන්ට මේකක් නැතුව නින්ද යන්නෙත් නැ. හැබැයි ඉතින් ගොඩක් උන්ට දා ගත්ත දවස් වල නින්ද යන්නෙත් නැහැ තමා. :D

මේක ලැබෙන්නෙත් ඉතින් තම තමන්ගෙ හැටි හැටියට තමා. සමහර කොල්ලො කැමති සූකිරි පෙනුමක් තියෙන ඒවට. තව සමහරු නම් පෙනුම ගැන ඒ හැටි හිතන්නෙ නැහැ. හොඳ සෙල්ලම් පෙන්නන්න පුලුවන් ඒවට තමා උන්ගෙ ඇහැ යන්නේ. කෙල්ලොන්ටනම් ඉතින් හොඳ හොඳ එවුවා ලඟටම එනවා. :D

තමන්ට කියල එකක් නැති එවුන් සමහර වෙලාවට අනුන්ගෙ ඒවුව ඉල්ලන් ගිහිල්ලා තමන්ගෙ වගේ බදාගෙන පෙන්නන වෙලාවලුත් තියෙනවා. :D

අනික කොල්ලන්ට කෙල්ලන්ට විතරක්යැ කාට කාටත් නැතුව බෑ නොවැ මේක. බස් එකකට නැග්ගත් කී දෙනෙක් මේවා අතේ, කනේ, සාක්කු වල දාගෙන ඉන්නවනේ. හක් හක් හා.... මං කියන්න යන්නෙ ජංගමේ ගැන බොලවු. වෙනින් අහවල් එකක් යැ..... :D

මටත් ඉතින් ජංගමයක් ගන්න ආසාවක් ආවේ 12 වසරේ ඉන්දෙද්දි තමා. ඒ කාලේ අපේ උන් ගාවත් ෆෝන් තිබුනෙ දෙතුන් දෙනාගාවයි. ඉතින් ඔන්න මටත් හිතුනා ගන්න එකක්. ඒ දවස් වල ඉතින් ෆෝන් කිවුවම මහලොකු ගනන් දීලා ගන්න පුලුවනෑ. ගෙදරින් කන එවුන්නේ. කලර් ‍ෆෝන් නං ඉතින් ගන්නවා බොරු. :(

රටේම තියෙන පත්තර වල ඇඩ් බලලා බලලා කඩවල් ගානේ රිංගලා ගත්තා ඔන්න රුපියල් 3000/=ට ෆොන් එකක්.

MOTOROLA M30

මේක ඉතින් අර ගඩොල් බාග එකක් හරිද.පේනවනේ හැටි. :D වැඩි සෙල්ලම් නැහැ. Call, SMS, විතරයි. :P

අම්මට සිරි. ගෙදර ගෙනල්ලා මේක දැක්කත් හරි. අහගත්තා ගෙදරින් හොඳටම. සුමාන ගානක් යනකම්ම. :D බර බරේ. ඒ මදිවට ගත්තට මොකෝ සාක්කුවේ දාගෙන යනන් බැරි නිසා දාගෙන යන්නේ බෑග් එකේ :P කෝම හරි ඒ දවස්වල පොඩි හුටපටේකුත් තිබුණ නිසා සෑහෙන්න වැඩක් ගත්තා ඕකෙන්. :D

කෝම කෝම හරි ඉතින් එන්න එන්න ඕක මදි වෙනවනේ. පොස් මදි. කෑලී බෑලි වැඩ කෑලි නැහැ. ටෝන් දාන්න බැහැ. ඒ නිසා ඕන්න ඕක මදි වුනා කියමුකෝ. ඕන් ඉතින් ඕක 1000/= කට විකුණලා අතේ තිබුණ ගානකුත් දීලා 2900/= කට ආයෙම ගත්තා ඒ කාලෙ ජනප්‍රිය මොඩල් එකක්.

ERICSSON T10

හරි හුරුබුහුටි බාන්ඩෙ. වැඩකෑලි ටිකටත් වඩා ආස වුනේ ඕකේ තියෙන අර නිවෙන පත්තු වෙන බලුප් එක. ඒ දවස්වල ඉස්කෝලෙ ඇරිලා එද්දි ඕක ඔබ ඔබ පාරේ දිගෙ එන්න ගිහින් වාහනේකත් හැප්පෙනවා. :D

මේකනම් වැඩි දවසක් තිබුනේ නැහැ. අඳුරන අයියා කෙනෙක් එක්ක එයාගෙ ෆෝන් එකට මාරු කරගත්තා.

MOTOROLA T191

ඕන් ඕකකට. තනි අතින් හංගගන්න පුලුවන් තරම්. සාක්කුවෙ තියෙනකොට දැනෙන්නෙත් නැති තරම්. :P ඕකනම් සෑහෙන්න කාලයක් පාවිච්චි කොලා.

ඔන්න කාලෙ හරි. ආයෙම ෆෝන් එකක් ගන්න ඕන වුනා. එතකොට ඉතින් ඉස්කෝලෙන් අයින් වෙලා ලාවට ජොබක් එහෙම කරපු කාලෙනෙ. ඒ කාලේ ඉතින් හිටු කියලා මල් කඩන කාලෙ ඕන වුනේ ටෝක් ටයිම්.

NOKIA 1100

Nokia 1100 තමයි ඒ කාලේ ලිස්ට් එකේ හිටියේ. ගෙදරිනුත් ලෝන් එකක් ගහලා ගත්තා එකක්. වැඩිය නැහැ 9900/= යි. :D ( අදනම් 9000/=කට මොනව ගන්න බැරිද?)

ඒ ෆෝන් එකත් සෑහෙන්න කාලයක් පාවිච්චි කරා. ඒ අතරේ කලර් ස්ක්‍රීන් කැමරා ෆෝන් පිස්සුව තදේටම තිබුණා. ඒ පාර ගත්තේ මෙන්න මේක.

NEC e1108

සින්දු අහන්නයි ෆොටෝ ගහන්නයි ඒ කාලෙ හැටියට සුපිරි බඩුවක්. ජීවිතේ වටිනම පින්තූර කීපයක් ගත්තෙත් ඕකෙන් තමා.

(මමයි මල්ලියි ඉන්න පින්තූර වගයක්. අද ඒවා කොයිතරම් වටිනවද)

:’(

බැටරිය අස්පට් නිසා මේ ෆෝන් එකනම් ඉක්මනට අබාවයට ගියා. ඒ නිසා ටික දවසක් ලෝ කොස්ට් විසඳුමකට ගියා.

NOKIA 1200

මූ තමා ඩයල් එක. කිසි වදයක් නැති එකා. අද ඌ ඉන්නෙ තාත්තා ගාව. තාමත් එල කිරි වගේ වැඩ. :D

කොහොමින් කෙහොමින් හරි හොඳ ෆෝන් එකක් ගන්න ඉන්දෙද්දි සිදු වුනු දෛවෝපගත සිදුවීමක් නිසා මල්ලි ලග තිබුන LG එක මගේ බාරයට පත්වුනා.

LG KG195

මම ඒ ෆොන් එනකම් පට්ටම ගැහුවා. ලෙලි යනකම් පාවිච්චි කරලා අන්තිමේදි අලුත් ඇදුමකුත් ඇන්දුවා. පහුගිය ඔක්තෝබර් මාසෙවෙනකම්ම පාවිච්චි කරා. දැනට බැටරිය මැරිලා.

මෙයාගෙ සහයට ඩැනි විදියට හිටපු (තවමත් ඉන්න) සගයා තමා මේ ඉන්නෙ.

BIRD K102

උපන් ගම චීනේ වුනාට මොයාගෙන් අදටත් ගන්න වැඩ ටික පොඩි නැහැ. :D LG එකා සනීප නැතුව ඉන්න කාලේ මූ තමා තනියම ගේම අරන් ගියේ. ;)

NOKIA 2600 Classic

ඒ එක්කම ටික දවසක් මෙන්න මෙයාගෙ ජාතියෙ එක්කෙනෙකුත් පාවිච්චි කරා.

මෙන්න ඉන්නවා අලුත්ම සාමාජිකයා.

SAMSUNG Galaxy mini

මෙයාව හම්බුවුනේ මේ අවුරුද්දේ උපන්දින තෑග්ගක් විදියට.

(හුටා මලිතියා දන්නෙත් නැහැ මේක තෑග්ගක් කියලා :O ) මෙයා ගැනනම් තාම කියන්න දන්නේ නැහැ. තාම සති තුනයි. පැටියා. ;) බොහොම පරිස්සමින් තියන් ඉන්නවා. ඉස්සරහට කොහොම වෙයිද දන්නෙ නැහැ. :D

ඔන්න ඔහොම තමා මගේ පෝං වල කතන්දරේ. කියවාගෙන ආ ඔබ සැමට ස්තූතියි. :D

ප.ලි:- ආ මට කියන්න අමතක වුනානේ. මේ වෙද්දි ෆෝන් වලට විතරක් වියදම් කරපු ගාන(කෝල් වල ගාස්තු නැතුව) හදලා බැලුවා. රුපියල් 80000/= කටත් වැඩි. මගේ අම්මෝ... :O

මාලු කරවල රස කර කර කනවද?

2011-10-15T20:52:00.001+05:30

කෝ බලන්න කී දෙනෙක් ඉන්නවද? අත් උස්සන්න බලන්න. :O අම්මෝ සෑහෙන්න ඉන්නව වගේ ;) හරි හරි දැන් අත පහල දාන්ඩෝ.. මේ මොකද කටවල් ඇරගෙන? :D හහ් හහ් මේ කියන්න ලෑස්තිවෙන්නේ මාලු කරවල කන හැමෝම දැනගන්න ඕනෙ කියල හිතෙන කතන්දරයක්... ම්ම්ම්... මංනං ඉතින් කරවල මාලු එහෙම කන්නෙම නැති තරං. :) මොකක්? නැහැ නැහැ වෙජි නෙමෙයි අයියෝ. එග්ටේරියන් :D බිත්තර කනවනෙ. ;) මං නොකෑවට කමක් නැහැ ඔයාල කන නිසා කතන්දරේ කියන්නම්කො.

ඔය පේන්නේ බත්තලංගුණ්ඩුව තමා

පහුගිය දොහොක අර කෙහෙම්මල් විබාග බීතිකාව කාරිය අහවර උනායින් පස්සේ අපේ යාලුවෝ ටික සෙට් වුනානෙ පංකාදු ගමනක් යන්ඩ. හරිම සුන්දර ගමනක්. බෝම කාලයක් තිස්සෙ තැග්ගැහි ගැහි ඉඳලා තමා යන්ඩ කියල කතාකොරගත්තේ. කල්පිටියෙනුත් හැතැම්ම දහයක් විතර ඈත මහමූදෙ තියෙන දූපතක් බත්තලංගුණ්ඩුව කියලා. අහලත් ඇති මයෙ හිතේ. ආ ඔව් ඔව් ඒ පොත තමා. මංජුල වෙඩිවර්ධනත් ඒ පොත ලියන්න කාලයක් ඔය දූපතේ හිටියය කියනවනේ. අපේ ගමන ගැන අපි එක්ක ගිය ලහිරු යාලුවත් ලියන නිසා මං ගමන ගැන ආපහු ලියන එක අපරාදයක් නොවැ. ගමන ගැන දැනගන්ට ඕනැ ඈයෝ මේං මෙතනිං ගොහිල්ලා ඒ ගැන විස්තර බලං එන්ට.

ඉතින් ඔය ගමනෙං අපිට ඇහැක් වුනානෙව අපේ රටේ උන්දලාගෙ බත්පත රහ කොරන්ට එන මාලු කෑල්ල කරවල කෑල්ල ඒතැනට එවන්ට දාඩිය මාන්සිය වගුරෝන ධිවර ජනතාවගේ ජීවිත ගැන පුංචි හෝඩුවාවාල් ටිකක් දැනගන්නට. ඒවගේම මාලු කරෝට පිඟානට එන්නෙ මොන විදියටද කියලත් දැනගන්ට ලැබුණා. ඉතින් මං මේ හදන්නේ ඒ විස්තර ඩිංගක් ඔහෙලටත් කියාදෙන්නයි කියලා.

මේං මේ පැල්කොට එහෙමත් නැත්තං වාඩි වල තමයි
මේ ඈයෝ ජීවත් වෙන්නෙ. සෙනග තුන්දාහක් විතර ඉන්නවා මගෙ හිතේ

අපේ ඈයෝ රහකර කර කෑවට ඒ රහ කෑම සරිකරල දෙන ධීවර ඇත්තොනං ගෙවන්නෙ කරුම ජීවිතයක්. ධීවර පවුලක ලබා උපන් කමින් හරි වෙන කරන්න දෙයක් නැතිකමින් හරි මේ ඈයෝ මේ රස්සාව කරන්නෙ හුඟක් අමාරුවෙන්. හුඟක් ඈයෝට සමාජායේ අනික් කොටස්වල මිනිස්සුන්ට තියෙන පහසුකං වලිං බාගයක්වත් නැහැ. බොන්ට වතුර ටික පවා මේ දූපතේ බෝම හිඟයි. අපි ඒ බව හොඳටම අත් දැක්කා. හැකියාවක් තියේනං ඔහෙලත් ගිහින් බලාගන්ට. මුලුදවස පුරා මාලුකරෝල පුලුටු ගඳ, මැස්සෝ එක්ක මේ මහපොලොවෙ මිහිපිට අපායක් වගේ බිං කඩක ඒ මිනිස්සුත් හැපෙන්නෙ ඔයාල අපි වගේ බෝම හොඳට ජීවත් වෙන්න තියා හරියට නිදහසේ කෑම කටක් බඩට යවාගන්නවත් ඉස්පාසුවක්වත් නැතුවයි.

දීවා ආහාරය පිලියෙල කරමින්

හ්ම් දැන් මදැයි වැල්වටාරං කියෙව්වා. දැං කතාවට එමු. කියන්න ගියේ මාලු කරෝල අපිට ලැබෙන හැටිනෙ. මෙහෙමයි. මේ දූපතේ ධීවර ඈයෝ මාලු අල්ලන තැන් දෙකක් තියෙනවා. එක්කෝ කලපුවෙං එහෙමත් නැත්තං මහ මුහුදෙන්. මොකද මේ දූපත නැගෙනහිර දිහාවෙං පුත්තලං කලපුවෙනුත් බටහිර පැත්තෙං මහ මුහුදිනුත් තමා වටකොරල තියෙන්නෙ. ඉතිං මාලු ජාති හරි ඉස්සෝ කකුලුවො හරි අල්ලන්ට මේ ඈයෝ මේ කොහාට හරි තමා යන්නේ. එහෙම යන්න මොකක්හරි එපෑ ඉතිං පීනල මූදු යන්නයැ. :D මේං මේ පහල තියෙන පොටෝ කෑලි බැලුවනං. ඒවුවගෙ තියෙන්නෙ මොනවද කියල කියන්නං ඊට පස්සෙං පහු.

"තෙප්පම"

හ්ම්. ඔය තියෙන හනස්ස වගේ පුංචි එකා. ඌට කියන්නෙ තෙප්පම කියලා. වෙරලාසන්න මූදේ ඉන්න මාලු ඉස්සො කකුලුවො අල්ලන්නෙ ඔවුවයෙන් ගිහිං. එක්කෙනෙක් තමා යන්නෙ. ඔය තියෙන රිට වාරුවෙන් තමා ඉස්සහට යන්නෙ.

"මෝටර් බෝට්ටුව"
උදේ පාන්දරම කකුලුවො අල්ලන්න යන්න වෙන් ඇති.
තනියම ම පිටත් වෙන්නයි සූදානම

ඊගාවට තියෙන්නෙ මෝටර් බෝට්ටු. මේවුවා පාවිච්චි කරන්නෙ කලපුවෙ මැදක් හරියට හරි මූදේ හැතැප්ම දහයක් පහලොවක් වගේ ඈතට යන්න හරි තමයි. තම තමංගෙ අත්දැකීම් හරි අනික් සගයෝ දෙන ඔත්තු ඔස්සෙ හරි මෙවුවයෙං ගොහිල්ලා මාලු අයින් ඉන්න තැං වලට දැල් එලලා උන්ව අල්ලං එනවා. දැල් ගැන පස්සෙ කියන්නං. ආ තව මේ බෝට්ටුවෙ යන්නෙ උපරිම දෙන්නෙක් වගේ තමා. භූමිතෙල් ඇංජිමකින් දුවන්නෙ. පලපුරුද්දෙං අහසෙ තරු බලාගෙන රෑට ගමන් බිමන් යන්න මේ ධීවරයෝ හරිම දක්සයි. පැය හය හතක ගමනකට මේ බෝට්ටුව සෑහෙනවා. කෝකටත් කියලා හෑන්ඩ් ජී.පී.එස් උපකරණ තියෙන ධීවරයොත් ඉන්නවා. ඒකෙං වාසිය තියෙන්නෙ කලිං මාලු අහුඋණ තැන් ඒකෙ සටහං කරං ආයෙම වංගියක් එතනට යන්ට පුලුවංකම.

"මාලු අල්ලගෙන එන පුංචි ට්‍රෝලරයක්"

"දවස් ගානක් ඉන්න පුලුවන් ලොකු ට්‍රොලර්"

මේ තියෙන්නේ බහුදින ධීවර යාත්‍රා. සිංහලෙම්ම කිවුවොත් ට්‍රෝලර්. මේවා එක එක සයිස් වලින් තියෙනවා. ප්‍රමාණෙ ලොකු වෙන තරමට මුහුදෙ ගතකරන්න පුලුවන් දවස් ගනන වැඩිවෙන්නෙ පහසුකමුත් ඒ එක්කම වැඩිවෙන නිසා. සති ගණන් මෙවායේ මූදෙ ඈතටම ගිහිල්ලා මාලු අල්ලනවා. උයාගෙන කන්නෙක් බෝට්ටුවෙම තමා. පහක් විතර යනවා එකක. ඩීසල් ඇංජිමකින් තමයි දුවන්නෙ.

ඉරුණු දැල් ආපහු වියලා හදාගන්නවා. නැත්තං මාලු ඒ හිඩැස්
වලින් පැනලා යනවා.

මොන විදියට ගියත් මේ අය මාලු අල්ලන්න පාවිච්චි කොරන්නෙ දැල්. දැල් වල කොටු එක එක සයිස් එකෙන් තියෙනවා. මාලු රෑනක් ඉන්න තැනකට දැල එලුවම මේ දැලේ කොටු අස්සෙන් රිංගන්න එන මාලු තමතමංගෙ සයිස්එකට හරියන දැලක් උනොත් අනිවා පැටලෙනවා. ඔය අපේ උන්දලාත් පැටලෙන්නෙ ආං ඒ වගේ.

දැල පැටලෙන්නෙ නැතිවෙන්න බෝට්ටුවට දාගන්නවා.
බොහොම පරිස්සමින් කරන්න ඕන වැඩක්

ඔය දැලේ වරපොටවල් දෙකක් තියෙනවා. දෙපැත්තෙ වාටි දෙක වගේ කියල හිතාගන්නකො ඕං. ආං ඒ එක වරපොටක් තියෙන පැත්තට ඊයම් බරු එල්ලයි තියෙන්නෙ. අනෙක්පැත්තට පාවෙන ඍජුෆෝම් බෝල එල්ලනවා. ඒ දැල් වතුරට දැම්මට බර පැත්ත යටට ගොහිල්ල ගානට වතුර හරහා ඇදිලා තියෙනවා. ඒ වගේම සමහර දැල් තියෙනවා පතුලෙ තැම්පත් වෙන්න දාන ඒවා. කෝමහරි මාලු කකුලුවෝ ඔය දැලේ පැටලෙනවා. බෝම සීරුවට ඔය දැල් බෝට්ටු වලින් ගොහින් එලන්නත් ආපහු එක්කහුකරගන්නත් මේ ධීවර ඈයෝ හරිදස්සයි.

ඔහොම අල්ලගෙන එන මාලු දැලෙන් තෝරල බේරල ගන්නවා. මහමුදෙ තියෙන හැම එකෙක්ම කන්ට ගන්නෙ නැහැ නෙව. ඉතින් ඒවුං තෝරල බේරල අහක් කොරගන්නත් ඕන.

ගෙනාපු ගමන් දැලක්.

දැල තෝරලා පැටලුම් ඇරගන්න ගමන් මාලුත් ගලවගන්නවා.
අමාරුම වැඩේ කකුලුවෝ ගලවන එකලු.

මෙයාව කන්න ගන්නෙ නැහැලු. අංකුට්ටද මොකක්ද නමක් කිවුවා.

මේ තාරකා මාලු හෙවත් පසැඟිල්ලො.
කකුලුවන්ට දාන දැල්වලට මෙවුන් අහුවෙනවා.
කන්නෙ නැති නිසා ආයෙ විසික් කරනවලු.

දැලෙන් ගලෝපු මාලු.
තාම තෝරලා නැහැ.

ඊට පස්සෙ මාලුජාති වෙන්කොරලා ගන්නවා. අමු මාලු උවමනා විදියට ඒමයි. කරෝල ඕනෙනං ඒමයි. පුංචි මාලු වෙනම එහෙම එක එක ජාති වලට වෙං කරනවා.

කරවල නොකර මාලු විදියට ගන්නයි මේ සූදානම.
මුන්ට සිද්ද වෙච්ච දේ පෝස්ට් එකේ යටම ඇති.

කරෝල වලට ගන්න මාලු නං කලපුවෙන් හෝදලා අරං ලුණු වතුරේ වෙලාවක් ඔබල තියනවා. ප්‍රමානෙං ලොකු මාලු කරවල කොරන්න කලිං පලලා බොකු බඩවැල් අහක් කොරලා අර ලුණු එකටම දානවා. පුංචිවුන් කෙලිම්ම ගන්නවා. උන්ගෙ බඩවල් පලල අහවල් එකක් අයින් කොරන්නයැ?

මේන් මාලු තෝරනවා. ඔය පැත්තකින් තියෙන බැරල් කොට වල
දාල ඉන්නෙත් මාලු තමයි.

තේරිමෙන් පස්සේ මාලු හෝදල ගන්නෙත් කලපුවෙන්මයි.
කූඩ වල දාල තියෙන්නෙ වේලෙන එක නවත්තන්න.

ඔයිට පස්සෙ මෙන්න මේ විදියට අවුවෙ වනලා වේලන්නයි තියෙන්නෙ. මේ දූපතේ තියෙන කට්ට අවු සැර නිසා හුරුල්ලො වගේ පොඩි මාලුනං එක දවසිං හෝ දෙකෙං කරකුට්ටං වෙනවා. ලොකුමාලුනං දවස් දෙකක් තුනක් යන්නත් පුලුවන්. (මුන් කඩවල් වල මාස ගනන් ඉන්න එක වෙනම කතාවක්) :D

වේලෙන්න දාලා.
මේ දර්සනෙ නං දූපත පුරාම හුරුපුරැදුයි.

නියම ගානට වේලිලා...

සේරම හරි. දැං නියම ගානට කරවල කරවෙලා. දැං ගානට අඩුක් කරලා තියන්නයි තියෙන්නෙ.

කරවල ගබඩා කරල තියන්නෙත් වාඩි වලම තමා.
ඔය පෙට්ටි ගහල තියෙන්නෙ ගොඩබිමට යවන්න

ගොඩබිමට යවන්න සූදානම්. බෝට්ටුවෙන් ප්‍රවාහන යාත්‍රාවට පටවනවා.

එතනින් ගොඩ බිමට ගෙනල්ලා වෙළඳපොලට යවනවා. මුදලාලිලට තමයි වාසිය හම්බවෙන්නෙ. කෝමත් ඉතිං ගොඩක් බිස්නස් වල අතරමැදියනෙ උපරිම ලාබෙ ගන්නෙ.

ඕං ඕකයි කරවල කතන්දරේ.

කියවලම මහන්සිනං මේං පුංචි සංග්‍රහයක්. මේ තමයි අර උඩ කියපු මාලුන්ට වෙච්ච දේ. හා හා කලබල වෙන්න උවමනා නෑ. කටු ඇනගන්නෙ නැතුව කන්නකෝ. කකුළුවොත් තියෙනවා. :D

බැදපු මාලු

කකුලුවො බැදුම

මේ තරං විශාල අත්දැකීමක් ලබන්න අවස්ථාව සලස්සපු අපේ රන්දික යාලුවටයි එයාගෙ බාප්පටයි වගේම මේ චාරිකාව යන්න විදියක් නැතුව මම දෙගෙඩියාවෙන් ඉඳිද්දි මාව එක්ක ගියපු අපේ යාලුවො සෙට් එකටත් ගොඩක් ස්තුතියි! ඒ වගේම දූපතේ තිබූනු ඩයලොග් කණුවට පින්සිද්ද වෙන්න විනාඩි දහයෙන් දහයට මං ගැන හොයල බලපු මලිතියටත් ස්තුති නොකලොත් එයා තරහ වෙයි. :)

වෙනස් වෙන ලොකේ වෙනස් වෙන මිනිස්සු

2011-08-20T12:04:00.000+05:30

කෝ බලන්න කාටද වැඩියෙන්ම හොඳම යාලුවො ඉන්නෙ? තුනක්? හතරක්? හේ හේ... හොඳම යාලුවෙක් කියල විශේෂ කෙනෙක් නැති අයත් ඇති මං හිතන්නෙ. එහෙම නේද? ඇත්තටම කවුද හොඳම යාලුවෙක් කියන්නෙ? යාලුවො අතරෙ විශේෂයෙන් මෙහෙම හොඳම යාලුවෙක් කියලා ගරුනම්බු නාමයක් ඒහෙම කෙනෙකුට දෙන්නෙ ඇයි කියලා කාට හරි කියන්න පුලුවන්ද?

අපි යමක් කමක් තේරුම්ගන්න පුලුවන් කාලෙ ඉඳලා මැරෙන මොහොත වෙනකම් විවිධාකාර මිනිස්සු ආශ්‍රය කරන්න අපිට ලැබෙනවනෙ. පුංචි කාලෙ අම්ම තාත්තා ඇරැණම පවුලෙ හිතවතුන් ඒ අයගේ දරැවො එක්ක එහෙම අපි හිතවත්කම් ඇති කරගන්නවා. පාසල් යන්න පටන් ගත්තම යාලුවො කියල කට්ටියකුත් මේ සෙට් එකට එකතු වෙනවා. ඊගාවට ගමේ යාලුවො. පාර තොටේදි හමුවන හිතවතුන් එහෙම. අප්පේ ඉවරයක් නැහැ.

ඉතින් මෙහෙම හම්බවෙන විවිධාකාර මිනිස්සු අතරෙ හැම ජාතියෙම මිනිස්සු ඉන්නවනේ. ඔයාලට කොහොමද කියන්න මං දන්නෙ නැහැ. මම නම් විවිධ තරාතිරම් වල එක් එක සමාජ පන්ති වලට අයිති යාලුවෝ ආශ්‍රය කරල තියෙනවා. මං හිතන්නෙ ඔයාල හැමෝම වගේ එහෙම ඇති. මොකද මේ සමාජායේ අපිට විවිධාකාර මිනිස්සු හම්බ වෙනවනේ එක එක වෙලාවල් වල. ඒ කොහොම කවුරු හම්බ වුනත් අපි ඒ කුලකය අතරින් අපේම කියල උප කුලකයක් ගොඩනගා ගන්නවා. අන්න ඒ සීමාව ඇතුලේ අපි අපේ ගොඩක් අදහස් බෙදාහරිනවා. කොටින්ම ඕනම දෙයකට එකට ඉන්නෙ අන්න ඒ සෙට් එක තමයි. බොහො වෙලාවට ඒ සෙට් ඒකට ඇතුල් වෙන්නෙ නිතර මුණ ගැහෙන යාලුවො කීප දෙනෙක්. පාසලේ, ගමේ ඒකකෝ කැම්පස් එකේ. අන්න ඒ වගේ සෙට් එකක්. ඒහෙම නේද?

දැන් මේක කියවන අය බලයි මම මේ මොකක්ද කියන්න යන්නෙ කියලා. මට ඇත්තටම කියන්න ඕනෙ මේකයි. ඔයාලා කවුරුහරි විඳල තියෙනවද හොඳම යාලුවෙකුගෙ වෙනස් වීමක්? මෙක් කාටවත් මඩක් ගහන්නවත් අපහසුතාවයට පත් කරන්නවත් නෙමෙයි. මම කියන්න යන්නෙ මට දැනුන හැඟිමක්. ඉතින් අන්න එහෙම එකටම ඉඳපු යාලුවෙක්ගෙ වෙනස් වීමක් කවුරු හරි අත් විඳලා තියේනම් අන්න ඒයාලට තේරේවි මම කියන දේ!

හොඳ යාලුවෙක් කියල ජීවිතේ තැනක් දීලා තියපු මනුස්සයෙක් එක පාරට වෙනස් වෙලා තමන්ගේ දෙවල් වලින් තමන්ටම පහර ගහන් පටන් ගත්තොත්, ඔයාගෙ ජීවිතේ ගැන එයා දන්න රහස් හරි එහෙම නැත්තම් ඔයා එයා එක්ක තව කෙනෙක් ගැන කියපු දෙයක් හරි එහෙම නැත්තං ඔයාගෙ අඩුපාඩුවක් හරි ආයුදේ කරගෙන ඔයාට ඇටෑක් එකක් දෙනකොට ඔයාගෙ හිතට එන හැඟීම මොන වගේ වෙයිද? මොකද මිනිස්සු හරි ඉක්මණට වෙනස් වෙනවා. විශේෂයෙන් තමන්ගෙ වාසිය වෙනුවෙන්. මනුස්ස ස්වභාවය ඒක්නේ. බාහිර බලපෑම් හන්දා වගේම තමතමන් මවා ගන්න විවිධ මනෝ විකාර හන්දත් සමහර වෙලාවට කිසිම සාධාරණ හේතු නැතුව මිනිස්සු වෙනස් වෙනවා. මේක මම විතරක් මුහුණ දෙන අත්දැකීමක් නෙමෙයි කියල මම දන්නවා. මොකද මේ වගේ කතන්දර මේ බ්ලොග් අවකාශයෙන් ඒන තරම් සොයාගන්න පුලුවන්. මොකද කියනවනම් අපි හැමෝම මේ ජීවත් වෙන "ශ්‍රී ලංකාව" කියන සමාජ රාමුව තුල මේ වගේ සිදුවීම් දුලබ නැහැනේ.

කොහොම වුනත් හැමදේම රේස් එකක් වෙලා තියෙන මේ ජීවන රටාවත් එක්ක අම්ම තාත්තව හරි පාගගෙන ඉස්සරහට යන්න බල එක අරුමයකුත් නෙමෙයි. මොකද මේ යන විදියට මොන ක්‍රමයෙන් හරි ඉස්සරහට ගිය එකා දිනුම්. හැම තැනම වගේ අපිට දකින්න තියෙන්නෙම කොලේ වහල ගහන ගේම්. හැබැයි ඉතින් අනික් මිනිස්සුන්ව පෙරලගෙන දුවලා හෝ මානසිකව වට්ටලා ඒ අය ලබන දිනුමෙන් නම් කිසි පලක් නැහැ කියල තේරුම් ගන්නව නම් අන්න ඒකත් වටිනවා. සමහර වෙලාවට ඒ අය ඔය පෙරලගෙන දුවන්න හදන්නෙ එයාලට අභියෝගයක් එල්ල කරන්න තියා තමන්ට දුවාගන්නවත් හයියක් නැති කෙනෙක්ව වෙන්න පුලුවන්. එහෙම වුනොත් අන්තිමට ඒ අහිංසකයට තරඟෙ ඉවරකරගන්වත් බැරි වෙනවා. එහෙම වුනොත් අර කට්ටිය ලබපු ජයග්‍රහණෙට දෙන අර්ථය මොකක්ද?

අනික මම දැකල තියෙන දෙයක් තමයි ඉස්සෙල්ල ආපු කණට වඩා පස්සෙ ආපු අඟ ලොකු වෙන එක. සමහරු තමන්ට නැති බැරි කාලෙ ලඟින් හිටපු අයව තමන් හොඳ තැනකට ගියාට පස්සෙ අමතක කරලා දානව විතරක් නෙමෙයි තමන් ආපු තැනට එයාලටත් එන්න තියෙන පාරත් වහල දානවා. එහෙම වෙන්න හේතුව ඇයි කියල මට තාමත් හිතාගන්න බැහැ. මොනව වුනත් මේ ජීවිත කාලෙ හරිම පොඩ්ඩයි. කවදා කොහොම යන්න වේවිද කියලා කවුරැවත් දන්නෙ නැහැ. අන්න ඒ නිසා යන කෙනෙකුට තමන්ගෙ පාඩුවෙ යන්න දීලා ඔයාලා අපිත් අපේ අපේ ගමන් තමන්ගේ පාඩුවෙම යමු නේද?

මෙතැනින් මාරු වෙනු - මාරු වෙන්න ගිහින් මාරු වෙන්න වෙයිද?

2011-06-12T16:45:00.000+05:30

ඊතලය

මාරු වෙන්න ගිහින් බෙල්ල කඩාගත්තු අය හැම තැනම ඉන්නවනේ. මේකත් එහෙම එකක් තමයි. හ්ම් සෑහෙන්න වැඩ අධික කාල යක් ඉදිරියට එන්නෙ. හුචස් අධ්‍යාපනේ අවසාන කාල පරිච්චේදය නොවැ. හුස්මක් කටක් ගන්නවත් ඉවරයක් නැහැ. :) හුඟ කාලෙකින් මගේ අනික් බොලොග්ග දෙකට සලකන්න බැරි වුණා. හැමදාම කෝච්චි විතරද කියල හැමෝම අහනවා :D හේ.. හේ.. කෝච්චි විතරක් යෑ මහපාරෙ යන වාහනත් තියෙනවනේ. හැබැයි ඉතිං කෝච්චි වගේ සුන්දර වාහනයක් තියෙනවද මේ මිහිපිට? ;) මහපාර කිවුවම තමයි මතක් වුනේ. මහපාරත් එක්කම තියෙන දෙයක්නෙ කහ ඉර. කහ ඉර ගැන කියන්න ගියොත්නම් ඉවරයක් නෑ. ලංකාවේ සිදුවන මාර්ග අනතුරු වලින් 30% ක් පමණ සිදුවන්නේ කහ ඉර මතදි.

දිණමින පුවත්පතෙන්

මේ ලිපියට මුලාශ්‍රය මගේ සිතට ආවේ පහුගිය දවසක මම දැකපු සිදුවීම් දෙකක් නිසා. ළඟදි දවසක කොහෙ හරි යන්න පාරට ආව විතරයි දැක්ක දෙයින් මම එකපාරම ගල් ගැහුණා. ඒ මුකුත් නෙමේ. පාරේ මම හිටපු පැත්තෙ හිටපු ගෑනු කෙනෙක් එහා පැත්තෙ ආපු බස් එක දැකල හෙන ගහන්න වගේ එකපාරටම එතන තිබුණු කහ ඉර දීගේ අනෙක් පැත්තට පැන්නා. මොන පිස්සුවක්ද මන්දා මොලයක් නැතුවද කොහෙන පැන්නෙ ඊට අඩි 50ක් විතර ඈතින් ආපු කැබ් එක දැක දැකමයි මේ කාන්තාව පාර පැන්නේ.

කැබ් රියදුරාට හිතාගන්නවත් වුනේ නෑ.. ඔහු එකවරම තිරිංග යොදල රිය අනික් පැත්තට වාහන යන මංතීරුවට හැරෙවුවා. පැමිණි වේගය නිසාද කොහෙද කැබ්රිය මහ හඬක් නංවමින් ලිස්සලා ගිහින් පාරේ හරස් අතට කැරකිලා නතර වුනා. කැබ් රියදුරාගේ වාසනාවට ඒ වෙලාවේ අනෙක් පැත්තෙ කිසි වාහනයක් ලඟපාතක ආවෙ නැහැ. එහෙම වුනානම් කැබ් එකේ කෑලි තමයි හම්බවෙන්නෙ.

අවාසනාවන්තම සිදුවීම වුනේ කැබ්රිය පිටුපසින් ආපු මෝටර් සයිකලේට. මේ කිසිවක් නොදන්න මෝටර් සයිකල් කරුට එක්වරම සිදුවුනේ මොකක්ද කියල හිතාගන්න බැරිවෙන්න ඇති. සාමාන්‍ය වේගයෙන් ආපු යතුරු පැදිය කෙලින්ම ඇවිල්ලා කැබ් එකේ වැදුනා. බයික් එකටවත් පදවපු කෙනාවත් අවුලක් වුනේ නැතත් බයික් එකේ පිටිපස්සෙ හිටපු තරුණයගේ දනිස්ස අර කැබ් එකේ දොරේ තදින්ම වැදුනා. ඉන් ඔහුගෙ දණහිස බිඳුනා. කැබ් රථයේ පැති දොරට සාමාණ්‍යෙයන් හානි සිදුවුනා. කැබ් එක රජයේ වාහනයක් නිසා එහි රියදුරාට ලොකු ප්‍රශ්ණ වලට මුහුණ දෙන්නත් වෙයි මං හිතන්නෙ. අන්තිමට මෙලෝ සිහියක් නැති එක් අයෙක්ගෙ වැඩක් නිසා අහිංසකයෝ දෙන්නෙක් අමාරැවේ.

දෙවැනි සිදුවීම වුනේ සවස 7.30ට පමණ කොළඹ ඉඳන් ගාලුපාර ඔස්සේ පානදුරේට එද්දී. ඔය වෙලාවට ඉතින් සෑහෙන ට්‍රැෆික් එකක් තියෙනවනේ. අපි නම් බයික් එකේ එහෙන් මෙහෙන් දාලා ආවා. ;) සෑහෙන්න දිග වාහන පෝලිම් අස්සෙන් ආලා එන එකෙත් පොඩි ආතල් එකක් තියෙනවා. (දැං මට බනින්න එපා :D ) මොනව වුනත් දකින්න ලැබුණු එපාම කරපු දේ තමයි කහඉරෙන් පාර මාරු වෙන අයගෙ ක්‍රියා කලාපය. අරතරම් දිග ට්‍රැෆික් පෝලිම් තියෙද්දිත් සමහරු කහ ඉර හරහා පාර මාරු වෙන්නෙ ගාට ගාට. නිකම් යන්න වුවමනාවක් නැති ගානට. ඒ වගේ කීප දෙනෙක්ම බොහෝ රියදුරන්ගෙ දෝශාරෝපන වලට ලක්වුණා. වාහන නැවැත්තුවම හැකි ඉක්මනින් පාර මාරු වෙලා වාහන වලටත් යන්න ඉඩ සලස්සන එක පදිකයොන්ගෙත් වගකීමක්.

මේ සිදුවීම් දෙකම මම කිවුවෙ කහ ඉර ගැන අපේ බොහොමයක් දෙනා දරන ආකල්පය ගැන කියන්නයි. බොහෝ දෙනා (මගීන්) හිතාගෙන ඉන්නෙ කහ ඉර කියන්නේ තමන්ට සින්නක්කරේට ලියල දීපු බූදලයක් කියල. ඕන වෙලාවක ඇවිල්ල හෙන ගහන්න වගේ මාරු වෙනවා එක පාර. කහ ඉර උඩ කියල වේගයෙන් ආපු වාහනයක් එක වර නවතින්නෙ නැහැනෙ. (ඇතැම් රියදුරෝත් කහ ඉර ගැන නොසලකන අවස්ථාත් නැතුවා නෙමෙයි). තමන්ගෙ ආරක්ෂාව වෙනුවෙන් තමන් සැලකිලිමත් වෙනවනම් නිතර නිතර සිදුවෙන බෙහෝ අනතුරු වලක්වගන්න පුලුවන්.

කහ ඉරක දී,

ඔබ මගියෙක් නම්,

පාරේ කහ ඉර ආසන්නයේ එන වාහන සහ ඒවායේ වේගය පිළිබඳව මදක් අවධානය යොමු කරන්න. හැකිනම් ඔබට පාර මාරු වීමට අවශ්‍ය බව හස්ත සංඥා මගින් දැනුම් දෙන්න. එහෙත් වාහන නවත්වන තුරු ඉවසා සිටින්න.
විදුලි සංඥා සහිත ස්ථාන වලදී ඒ පිලිබඳ අවධානය යොමු කරන්න.
පෙලිකන් පදික මාරුවක් සහිත කහ ඉරක් නම්, අදාල බොත්තම ඔබා ඔබේ වාරය පැමිණෙන තුරු රැඳි සිටින්න.
අධික තදබදයක් සහිත ස්ථාන වලදී නිතර නිතර පාර හරහා මාරුවීම වාහන තදබදය තවත් වැඩි කරන නිසා මදක් ඉවසා සිටින්න.
උමං පදික මාරැ හෝ ගුවන් පාලම් සහිත ස්ථානයකදී නම් ප්‍රමාදය නොසලකා එම ස්ථාන වලින් පාර මාරු වීම ඔබේ ආරක්ෂාවට හේතුවේ.
කොයිම අවස්ථාවකදීවත් බසයකින් බැසගත් විගසම එම බසයට ඉදිරියෙන් හෝ පසුපසින් එකවරම පාරු මාරැ නොවන්න. ආසන්නයෙන් එන වාහන රියදුරන්ට ඔබ නොපෙනෙන නිසා අනතුරක් සිදුවීමට ඉඩ ඇත.
ආබාධිත හා වයස්ගත පුද්ගලයන්ට මාර්ගය හරහා යාමට ඔබේ උපකාරය අවශ්‍ය විටදී ඔවුනට ඔබේ සහය ලබා දෙන්න.

ඔබ රියැදුරෙක්නම්,

හැකි සෑම විටම කහ ඉරි ආසන්නයේදී ඔබේ වාහනයේ වේගය අඩු කරගන්න.
කහ ඉරි ඇති ස්ථාන පිලිබඳව අවධානයෙන් රිය පදවන්න. බොහෝ විට නාගරික ප්‍රදේශ වල මෙවන් ස්ථානවලදී වඩාත් ප්‍රවේශම් වන්න. පුද්ගලයින් එක් වරම පාර හරහා මාරු වීමට ඉඩ ඇත.
බස් රථ නැවතුම්වල බස් රථ නවත්වා ඇති විට වේගය අඩු කරගන්න. මගීන් එක් වරම පාර හරහා මාරු වීමට ඉඩ ඇත‍.
පාසල් ආසන්නයේදී කුඩා දරුවන් එක් වරම පාර හරහා පැනීමට ඉඩ තිබේ.
හැකි සෑම අවස්ථාවකදීම ඔබට පාලනය කරගත හැකි වේගයෙන් පමණක් රිය පදවන්න. එසේම රිය පදවන විටදී සම්පූර්ණ අවධානයම ඒ වෙත යොමු කරන්න. බීමත්ව හෝ ජංගම දුරකථන භාවිතා කරමින් හෝ අවධානය වෙනස් විය හැකි වෙනත් ක්‍රියාවන් වලි නිරත වෙමින් රිය පැදවීම මාරාන්තික අනතුරු ඇති වීමට අත වනයි.

මහා මාර්ගයේදී විනයවත් ලෙස හැසිරීම ඔබගේ මෙන්ම අනෙක් සියල්ලන්ගේම ආරක්ෂාව සලසයි.

බුදු අම්මෝ!!!! අත ලඟම ඉන්න යාලුවගෙන් මෙහෙම ආතල් එකක් ලැබිල නැද්ද?

2011-04-28T21:53:00.001+05:30

හප්පේ..... යාන්තං එග්සෑම් එකනං ඉවර වුණා. දැං ඉතිං පුදුම නිදහසක් දැනෙනවා. දෙයියනේ කියල ටික දවසක් නිදහසේ ඉන්න පුලුවන්. ටික දවසකිං බ්ලොගේ ලියන්නත් බැරි වුනානෙ. බ්ලොගෙ පටන් අරන් අවුරුදු දෙකටත් වැඩිද කොහෙද. ඒත් තාම පෝස්ට් 50ක් ලියලත් නෑ. :D ඒ තරං වේගෙන් කොහොම ලියනවද මන්ද මේ බ්ලොග් ලියන ඈයො :D

අද බ්ලොග් එකෙං මං මේ කියන්න ලෑස්ති වුනේ මේ අපි ගොඩ දෙනෙක් මූන දීල තියෙන දෙයක් ගැන. මහා ලොකු දෙයක් නං නෙමේ. මේ ලඟදි මං අහපු කතාවක් නිසා මට හිතුන මේක කිවුවොත් හොඳයි කියල. මේක පරිගණක ඇක්ස්පර්ට්ලට නං ඒ හැටි වැදගත් නෑ ඕං. ඒ අය ආපහු යනවා හොඳයි. :D

කෝ බලන්න ඩෙස්ක්ටොප් කොම්පියුටරෙන් කරන්ට් එක වැදුන අය අත උස්සන්න බලන්න. :D

හේ හේ.. කොම්පීටරේ ඔන් කරල තියෙද්දී සිස්ටම් යුනිට් එකේ (අර මහ තඩි පෙට්ටගම නොදන්න එකෙක් නෑනෙ) කොහෙන් හරි ඇල්ලුවනම්, එහෙමත් නැත්තං මොනිටර් එකේ තිරේ ඇල්ලුවම කරන්ට් එක ඒකපාරක් හරි වැදිල ඇතිනෙ හුඟ දෙනෙකුට.

යාන්තම් දැනෙන පුංචි කරන්ට් පාරක් වගේම චූ පිටවෙන්න තරං සැරට කරන්ට් වදින වෙලාවලුත් තියේ. වැදිල තියෙන අය දන්නව ඇතිනෙ දැනෙන සනීපෙ. :D

දැං මොකද හිතෙන්නෙ. මේක කොම්පීටරේ, එහෙමත් නැත්තං පවර් සප්ලයි උන්නැහේගේ වරදක්ද? නැත්තං අර තඩි මොනිටර් රාජයගෙද වරද? (මම අහපු සිද්දියෙදි පරිගණක පිලිබඳ විශාරදයෙක් කිවුවෙ ඉසේ ඇම්මට කොට්ටෙ මාරු කරන්න කියල. ඒ කිවුවෙ පවර් සප්ලයි පෙට්ටිය මාරු කරන්න කියල) :D

මෙතන වරද තියෙන්නෙ කොහෙද කියල ඔයාලනම් දන්නව ඇති. ඒත් නොදන්න එක්කෙනෙක් හරි ඉන්නවනම් මේ එයාටයි කියන්නෙ. වරද තියෙන්නෙ 99% ම ඔබේ ගෙදර. මෙන්න මේ හේතු නිසා.

පරිගණකය සඳහා දෙකූරු පේනුවක් (Two pin plug) සහිත Extension කෝඩ්(අර ප්ලග් බේස් ගොඩාක් තියෙන්නෙ) පාවිච්චි කිරීම.
නිවසේ විදුලි පරිපථයට ගූගත වයර(Earth) සම්බන්ධ කර නොතිබීම හෝ සම්බන්ධය බිඳී යාම.
සම්බන්ධ කරන කේබලයේ දෝෂ

මෙන්න මේ වගේ හේතු නිසා ඔයාලගේ පරිගණකයට විදුලි සැපයුමේ භූගත අග්‍රය සම්බන්ධ වෙන්නෙ නැති කම තමයි මෙහෙම කරන්ට් වදින්න හේතුව. පරිගණකයේ විදුලි සැපයුම සකසල තියෙන්නෙ භූගත පරිපථයකදී භාවිත කරන්නයි. ඉතිං අර්ත් එක නැති වුනාම වදිනව තමයි. පුංචි දරැවෙකුට වුනත් වැරදිලා හරි මෙහෙම පාරක් වදින්න ඉඩ තියෙනව. මොකද සමහරු පරිගණකය අසලටපුංචි දරුවොත් ලංකරගන්නවනෙ.

මෙසේ පරිගණකය අර්ත් නොවීමෙන් පරිගණකයේ උපකරණ වලට හානි වෙනවද කියල කීපදෙනෙක් මගෙනුත් අහල තියේ. මටනං හිතෙන්නෙ එහෙම වෙන්නෙ නෑ කියලයි. කොහොම වුනත් අපිට කරන්ට් එක වදින එක් ඒ තරං මිහිරි අත්දැකීමක් නෙමෙයි. නිතර එවැනි සිද්දී වලට ලක් වීම සරීස සවුක්කියටත් හරි මදී.

මං දැකල තියෙනව මගෙ සමහර යාලුවො, විශේෂයෙන් කොම්පුටර් ඇක්ස්පර්ට්ල පවා මේ ගැන ඒ තරං ගනන් ගන්නෙ නෑ. අපේ උන්ගෙ කොම් වලින් මට ඔය වගේ පිනා චාන්ස් කීපයක්ම වැදිල තියෙනවා. හම්මා.. මතක්වෙද්දිත් සනීපයි. :@

ඒව කොහොම උනත් මොකටද නිකං කරන්ට් වද්ද ගන්නෙ? ආයෙ පිස්සුවක් ඇතෑ නේද? :D ඒ නිසා මේකට හොඳම විසඳුම තමා සිංහලෙන්ම කියනවනං ත්‍රී පින් ප්ලග් නැත්තං ඒව එහෙම හදාගෙන ඔය අර්ත් එක එහෙම හරිගස්සගෙන පරිගණකයේ විදිලි සැපයුම හරියට සකස ගන්න එක. අඩු ගානේ සිස්ටම් යුනිට් එකේ ඇණේකට සම්බන්ධ කරපු හොඳ වයර් එකක් පොලවට හොඳින් බස්සපු යකඩ කූරක් වගේ දෙකට සෙට් කරානං ආයි.. අත්දුටුවයි ප්‍රත්‍යක්ෂයි.. ලෙඩේ සුවයි....

දැං ඉතිං බනින්න එපා මගුලක් ලියල කියල. :(
______________________________________________________________
ප.ලි. :- එහෙම දාපු කූරක් හිටවල තියෙන තැන පොලව වේලිලා නිසා හරියට අර්ත් වෙන්නෙ නෑ කියල මගේ යාලුවෙක් ඒකට නියම විසඳුම් හොයන් තිබ්බා. :D උදේට උදේට එයා එතන පුංචි වැඩක් කරා.. :D

පොඩ් එකාගෙ රචනාව - අවුරුද්ද ඉවර විය

2011-04-15T08:50:00.003+05:30

ඉස්සර කොස්ගහේ ඉඳලා කෑ ගහන කොහා මෙදා පාර ටීවී එකෙං කෑ ගැහුවෝය. ලංකාවේ ටීම් එකේ අයියලා කුසලානේ ගේන්න බැරි උන හින්දා කොහා ඇඬුවේ දුකින් වගේය. මැච් එක පැරදුන හන්දා මේ පාර මොන අවුරුදුදැයි අයියා කීවෝය. මොකාට එපා උනත් අක්කා නංගී දෙන්නාටම අලුත් ඇඳුම් ඕනෑ කියා දෙන්නාම කෑ ගැසුවාය. ඒ නිසා අම්මා ටවුමේ පොලෙන් අක්කාට හා නංගීට ගවුම් දෙකකුත් අයයියාට හා තාත්තාට සරම් දෙකකුත් ගත්තතෝය. මට කොට කලිසමත් ටී සර්ට් එකක් ගත්තෝය. ටවුමේ පොලේ සෙනග කන්දරාවට හිරවුන නිසා මගේ හුස්ම හිරවුනෙමි. අම්මා අමාරුවෙන් පැන මාව බේරාග්තෝය. තවපොඩ්ඩෙන් ගෙදර මලගෙයක් වෙනවාය.

පටස් පටස් ඩෝං කියා වටෙංම සද්ද ඇහුනෝය. ඒනිසා මටද රතිඥ්ඥා පෙට්ටියක් ඕනැ කියා අයියා කෑ ගැසුවාය. තාත්තා එනවිට පොලෙන් තඩි පෙට්ටියක්ම ගෙනැල්ලා අයියාට දුන්නාය. තාත්තා තව බර මල්ලක් අරන් ඇවිල්ලා ඇඳ යට හංගනවා මම දැක්කෝය. තාත්තා එහෙම හංගන්නේ අම්මාට ගෙනා අවුරුදු තෑග්ගක් කියා මට කීවෝය. පොලෙන් අම්මාට ඇදුම් ගත්තේ නැති නිසා මම සතුටු උනෝය.

අයියාත් මමත් පහල ගෙදර ගුණයා හා සිරා එක්ක පිට්ටැන්නේ ක්‍රිකට් ගහන්නට ගියෙමි. දවලේ පන්සල පැත්තේ ගිහින් එමු කියා තාත්තාත් අම්මාත් කියුවාය. අපි පන්සල් ගියෙමි. පාට පාට අක්කලා ගොඩාරියක් අයියලා හා මාමලා එක්ක පන්සලේ තැන තැන සිටියාය. පන්සලේදීත් ඒ අක්කලා හිකි හිකි ගාන්නේ ඇයි කියා පොඩි එකෙක් නිසා මට තේරැණේ නැත. අපේ ලොකුඅක්කාට පන්සලේ හිටපු අයියා කෙනෙක් ඇහැක් ගැසුවෝය. අම්මා ඒ දැක රවපු රැවිල්ලට ඒ අයියා කොහේ ගියාද කියා මම නොදැක්කෝය.

අවුරුද්දටම එක පාරයි නෙවැ කියා අම්මා කෑම ජාති වගයක් සාදා තිබුණෝය. ලිප පත්තු කරන්න දැංවෙලාව හරි කියලා ටීවී එකේ නැන්දා කෙනෙක් කියුවෝය. අම්මා කිරිබත් මුටිටිය ලීපේ තිබ්බෝය. අයියා රතිඤ්ඤා පත්තු කරාය. අක්කලාත් මමත් ටීවී එකේ ගිය අවුරුදු උත්සවේට සහබාගී වුනෙමි. ඉස්සර අපේ ගමේ අවුරුද්දට උස්සවයක් තිබුණෝය. ඒත් දැං ගමේ මාමලා අයියලා ගොඩාරියක් ඉන්නේ මූදෙන් එහා පැත්තේ කියා තාත්තා කිවුවෝය. එහෙම නොවුනානං අපේ ගමේද අවුරුදු උස්සවයක් බලාගන්න තිබුණාය.

එකපාරට අවුරුදු උස්සවේ පෙන්නන එක නවත්තලා ඇඩ් එකක් දැම්මාය. බාගෙට හෙලුවෙං වගේ පේන වයසක අක්කා කෙනෙක් මොනවාදෝ වැඩියෙන් උරාගන්නා ජාතියක් ගැන කියාගෙන ගියේය. මං පොඩි එකා නිසා මට ඒක නොතේරුණි. ඒ මොකක්ද කියා මං අක්කාගෙන් ඇහුවාම අක්කා මට රැවුවෝය. රතු පාට තුවායක් වගේ එකක් කරේ දාගෙන හිටි කලු තඩි මහත මාමා කෙනෙක් ටීවී එකෙං අපිට සුබ පැතුවාය. අවුරුද්ද අපේ කියා ඒ මාමා කියුවෝය. මට ගොඩාක් සතුටු හිතුනේය.

හතර වටෙං පටස් පටස් ගාද්දී අපි අවුරුදු මෙසෙට වාඩි උනෙමි. කෑමෙන් පස්සේ අපි අම්මාටත් තාත්තාටත් වැන්දෝය. බුලත් කොලයක් ගානේ තාත්තා අපිට දුන්නාය. මොකෙක්දෝ හැල ගෙම්බෙක් ඉන්නා රුපියල් දහයේ කොලයක් ඒකේ තිබුණාය. දැං මට ඒකෙන් රටකජු කන්නට පුලුවන් නිසා මට සතුටු හිතුනෝය. අවුරුදු කෑම ඉවර උන ගමන්ම අයියා කෙහේදෝ දිවුවෝය. පොඩ් එකා හෙම එක්ක යන්නෙ නෑ ඔය සූදුපොලට කියා අම්මා සැර දැම්මෝය.

අපේ ගමේ තාත්තාගේ යාලු මාමලා වගයක් අවුරුද්දට ගෙදර ආවේය. ටික වෙලාවක් කියෝ කියෝ සාලේ ඉඳපු මාමලා හැමෝම හෙමින් සැරේ තාත්තාගේ කාමරේට එබුනෝය. මමද මාමලාගේ පස්සෙන් කාමරේට ගියාම තාත්තා මාව එලෙව්වාය. ටික වෙලාවකට පස්සෙ මම හොරෙන් කාමරේට එබුනේය. අම්මාට දෙන්න ගෙනාපු තෑග්ග තාත්තා කඩලාය. ඒකේ තිබුණු තේ වතුර බෝතල් ටික අර මාමලා තාත්තා එක්ක බිවුවාය. මට අම්මා ගැන දුක හිතුනාය. ඊට පස්සේ ඔක්කෝම එකතු වෙලා සාජ්ජයක් දැම්මාය. අම්මා කුස්සියට වෙලා තරහෙන් සිටියේය. අම්මා දුකෙන් ඉන්නේ අම්මාගේ තෑග්ග මාමලා බීපු නිසායැයි පොඩි කමට මට සිතුනෙමි.

පහුවදා අපි පහල ගෙදර පොඩි නැන්දලාගෙ ගෙදරට නෑගම් ගියෝය. තාත්තාට වැඩට යාමට ඕනෑය කියා හුලංදාවේ නැන්දලාගේ ගෙදර වෙසක් එකට යමුයි තාත්තා කිවෝය. ඊට පස්සේ අවුරුද්ද ඉවර විය. අපේ ගෙදර පොඩි එකා වන මගේ අවුරුද්ද මේ වගේය. අසා සිටි ඔබ සැමට ඉස්තුතිය.

ඊයා....... මේ මොන ජරාවක්ද...........

2011-03-19T19:24:00.001+05:30

ඡායාරූපය:- http://everysing.files.wordpress.com

ඊයා......... අනේ මේ මොන ජරාවක්ද.... අනේ........... ගලවන්නකෝ................... ඒ ගයනිගේ කට හඬ. ගයනි හයියෙන් බෙරිහන් දෙනවා. ඒ මදිවට අඬනවා.

ඕක අපි කාටවත් එක පාරටම තේරුම් ගන්න බැරිව අපේ එවුනුත් එක එකාගෙ මූණ බලාගත්තා.

ගයනි කෑ ගහන කොට ඒකිගෙ පන්තියේ කොල්ලො ටික ලාවට හූවකුත් එක්ක මහ සද්දෙට හිනාවෙනවා. :D ඒ මදිවට කෙල්ලො ටිකත් හක හක ගගා හිනා වෙනවා.

පොඩ්ඩක් ලඟට ගිහිල්ල බැලුවම තමයි වැඩේ තේරුණේ. ගයනිගේ ගවුමේ ලස්සන අක්ක කෙනෙක් තමන්ගෙ සම්පත් බාගෙට පෙන්නන පින්තූරයක් තියෙන පත්තර කොල කෑල්ලක් එල්ලෙනවා. මේකි කෑ ගහන්නෙ ඒක ගලවගන්න බැරුව.

කොල්ලො ටික ඒකෙන් පට්ට ආතල් එකක් ගන්නවා. ආයෙ මොකද උන්ටත් නියම චාන්ස් එක. හූ කියනව හිනාවෙනව එක විකාරයයි. කොහොමටත් ගයනි කියන්නෙ මහ එක ජාතියෙ බඩ්ඩක් නිසා හුඟක් වෙලා යනකම් ඒක ගලවන්න කවුරැත් ඉදිරිපත් වුනේ නං නෑ.

අන්තිමට ඒක ගලවන්න උදව් කරන්ක කෙල්ලෙක් දෙන්නෙක් ආවත් උන්ටත් ගලවන් බැරි වුනා. ඒක අලවල තිබුනෙ චුයිංගම් එකකින්. අන්තිමට කොහෙන්දෝ වෙන ගවුමක් ඇඳගන්න ගයනිට සිද්ද වුනා. :D

(පස්සෙ ආරංචි වුනේ මේක ඒකිගෙ පන්තියෙම කෙල්ලො සෙට් එකක් දීපු ගේමක් කියලා. ඔන්න කෙල්ලො)

ඔය, චුයිංගම් එහෙමත් නැත්තං බබල්ගම් ගැන මගේ පාසල් වියේදි මට ලැබුණු අත්දැකීමක්. බබල්ගම් එහෙමත් නැත්තං චුයිංගම් ලෙස හදුන්වබ මෙම සුවිශේෂ දෙය ඔබත් අනිවාර්යවෙන්ම රස බලා ඇති.

චුයිංගම් නිපදවන්නේ latex වැනි රබර් මිශ්‍රණයක් විශේෂ රසායන ද්‍රව්‍ය මිශ්‍ර කර නියමිත තත්ව පාලනය යටතේ ඒවාට අවශ්‍ය පරිදි වර්ණක සහ රසකාරක යෙදීමෙන්. මෙසේ විවිධ සමාගම් වලින් නිපදවල පසුව විවිධ ඇසුරුම් කොට වෙළඳපලට යැවෙනවා. කුඩා දරැවන් පමණක් නොව බොහෝ තරුණ තරුණියන් මෙන්ම ඇතැම් වැඩිහිටියන් පවා මෙම චුයිංගම් වලට ඇබ්බැහි වී සිටිනවා. විවිධ රසයෙන් පාටින් මෙන්ම විවිධ හැඩයෙන් යුතු චුයිංගම් ලොව පුරා මිලදී ගැනීමට තිබෙනවා. චුයිංගම් පිලිබඳව අන්තර්ජාතික ආයතනයක් පවා තිබෙනවා. ඩුයිංගම් ගැන වැඩි විස්තර මෙතනින් බලාගන්නකො.

ලොව මෙතෙක් අලවි වී ඇති වටිනාකමින් වැඩිම චුයිංගම් එක ඩොලර් 14000 පමණ වු අතර එම මිල එයට ලැබී තිබෙන්නෙ වෙන්දේසියකදී. චුයිංගම් හපමින් ඒවා දිවේ ආධාරයෙන් පිම්බීමක් ඇතැමුනගේ විනෝදාංශයක්. එමෙන්ම මේ සම්බන්ධ තරඟ පවා ඇතැම් රට වල පැවැත්වෙනවා. වාර්තාවල සඳහන් ආකාරයට චුයිංගම් සඳහා වසර පන්දාහාකට එහා අතී සාක්ෂි හමුවෙනවා. එමෙන්ම ඇමරිකාව ආදී රටවල් තම හමුදා වල සෙබලුන් සඳහා චුයිංගම් ලබා දෙන්නේ එය මානසික ආතතිය ආදී යුධ බිමේදි ඔවුන් මුහුනදෙන ගැටලු සදහා ‍ඉන් යම් සහනයන් ලැබෙන බව සලකන නිසයි.

කෙසේ වුවත් ශරීර සෞඛ්‍යය කෙරෙහිනම් මින් යහපතක් සිදුවන්නෙ නෑ. එයට හේතුව මේවා නිපදවීමේදී යොදාගන්නා ඇතැම් රසායන ද්‍රව්‍ය මිනිස් ශරිරයට 100%ම හිතකර ඒවා නොවිමයි. ඒමගින් ඔබේ වටිනා දත් දෙපල දිරායාමටත් ඒවා අවපැහැ ගැන්වීමටත් ලක් වෙන්න පුලුවන්. එමෙන්ම වැඩිකාලයක් එකම චුයිංගම් එක මුව තුල රුවාගෙන හපනවිට ඛේටය සමග මේවායේ සංඝටක විසින් සාදනු ලබන විවිධ කොටස් ‍ෙඔබගේ ආහාර මාර්ගයට ඇතුලු වීමේන් ආහාර මාර්ගයේ විවිධ සංකූලතා ඇති වන්නටත් පුලුවන්. එසේම මෙම චුයිංගම් කොටස් දත් අතර රැඳිමෙන් ඔබගේ දන්ත සෞඛ්‍යයට ඔබ නොදැනුවත්වම හානි සිදු වෙන්නට පුලුවන්.

ඒ සෞඛ්‍ය ගැටලු. එමෙන්ම චුයිංගම් නිසා ඇතිවන සමාජ ගැටලුත් තිබෙනවා. චුයිංගම් කන අය මෙන්ම නොකන අයටත් මෙය මහත් ගැටලුවක්. හපා ඉවත ලන හපය මහ පාරවල් වල ඉවත දැමුවිට ඉන් අන් අයට වන්නේ මහා කරදරයක්. බස්රථ, සිනමා ශාලා, පුස්තකාල හා පන්තිකාමර ආදියේ ආසක වල සහ ඩෙස් පුටු වල ඇතැම් පිරිස් විසින් නොදැනුවත්ව හා දැනුවත්වත් මෙම හපා ඉතිරි වූ හපයන් අලවන අවස්ථා ඉතා සුලභයි. මෙයින් බොහෝ පිරිසක් අපහසුතාවයට පත්වෙනවා. මෙවැනි හේතු නිසා වර්තමානය වන විට ලොකයේ ඇතැම් රටවල් ප්‍රසිද්ධ ස්ථාන වල චුයිංගම් හැපීම පවා තහනම් කර තිබෙනවා. අනෙක් කාරනාවනම් ඇතැමුන් චුයිංගම් හපන ආකාරය පවා බලා සිටීමට අප්‍රසන්නයි. ඔබට නොතේරුණත් එවන් ක්‍රියාවන් ඔබගේ පෞර්ෂත්වයට කරන්නේ සුලුපටු බලපෑමක් නොවේ. ඔබත් ඉවක් බවක් නැතිව චුයිංගම් හපන්නෙක් නම් මේ පිලිබඳව තවත් වරක් සිතා බලන්න.

චුයිංගම් ගැන මතක් වුන පුංචි කතාවකින් මෙම ලිපිය අවසන් කරන්නම්.

චුයිංගම් ලංකාවට මුලින්ම ආපු කාලෙ දිනක් නගරබද තරුණ යුවතියක් වන ශීලා දොස්තර කෙනෙත් ගාවට ගියාලු. ටිකක් බටහිර පන්නෙට හැදුනු ශිලා නිතරම කතා කරේම සිංහල මිශ්‍ර ඉංග්‍රීසියෙන්.සෙනග වැඩි නිසා තමංගෙ වාරෙ එනතුරු මෙයාට පෝලිමේ බලා ඉන්නට වුනාලු.

එහායින් වාඩි වෙලා හිටියෙ තරමක් ගම්බද ප්‍රදේශයකින් ආපු අම්ම කෙනෙකුයි පොඩි එකෙකුයිලු. සෙනග වැඩි තදබදේ නිසා පොඩි එකාට පොඩ්ඩක් මලලු. දන්නවනෙ ඔය පොඩිඋන්. මූ නලියන හින්දා ටික වේලාවකින් මේ පොඩි එකාව සුරතල් කරන්න පටන් ගත්ත ශිලා තමන්ගෙ බෑගයෙන් චුයිංගම් එකක් අරගෙන පොඩි එකාට දුන්නා. සතුටු සිතින් ඩුයිංගම් එක ගත් පොඩි එකා එය අම්මාට පෙන්වමින් එහෙ මෙහෙ හරවමින් සිටියා මිස එක මොකක්ද කියල දැනං හිටියේ නෑ. ගමේ අයට ඒව පුරුදු නැතුව ඇති. පොඩි එකා ලඟට ගත්තු ශිලා පොඩි එකාට චුයිංගම් එකේ කවරෙ ගලවල දුන්නලු. ඒ පාර මූ ඒක රබර් පට්ටෙ වගේ අදිනව මිසක් කන පාටක් පේනන නැති නිසා පොඩි එකාව වඩා ගත්තු ශීලා "නෝ නෝ පුතා චු.. චූ" කියා කිවුවලු.

සෙනග අස්සේ හෙම්බත් වෙලා එපාවෙලා හිටපු ඇම්ඩන් පරම්පරාවෙ පොඩි එකා ශීලගෙ ඔඩොක්කුවෙ කරපු වැඩේ කියන්න ඕනෙ නෑනෙ. :D

මකපු වෙබ්/බ්ලොග් පිටුවක් කියවන්නෙ කොහොමද? මෙන්න ලේසිම ක්‍රමයක්.....

2011-02-12T18:32:00.001+05:30

මේක මහා ලොකු වැඩ කෑල්ලක් නම් නෙමෙයි. හැබැයි ඉතින් මේ ගැන දන්නෙ නැති අය කීප දෙනෙක් හරි ඇති කියල හිතුන නිසා තමයි මේ ගැන මං ලියන්න හිතුවෙ. අපි සමහර වෙලාවට දකින්න ලැබෙන දෙයක් තමයි අපි බ්‍රවුස් කරල යන පිටු සොයාගන්න බැරි වබ හෝ එහෙම පිටුවක් නැති බවට ලැබෙන මැසේජස්. මේක බොහෝ වෙලාවට වෙන්නෙ සර්ච් එන්ජිමක් භාවිතයෙන් යම් දෙයක් සොයල එයට ලැබුණ ප්‍රතිඵල වල තියෙන ලින්ක් ඔස්සෙ ගියාම සමහර වෙලාවට ඒවාට පිවිසෙන්න බැරි අවස්ථා කීපයක් තිබෙනවා.

උදා:-

වෙබ්/ බ්ලොග් පිටුව හෝ අඩවිය මැකී ඇති විට
පිවිසීම අවහිර කර ඇති විට
වෙබ් පිටුව සහිත අඩවිය ඇති ස්ර්වරය අක්‍රීය විට හෝ කාර්ය බහුල විට

බ්ලොග් පාඨකයන්ටත් මේ වගේ අත් දැකීම් ඇති. මොකද සමහර අයගෙ බ්ලොග් වලින් පෝස්ට් මකනවනෙ. ඒ වගේම සමහරු ගෙඩි පිට්න්ම බ්ලොග් මකනව. බොහෝ වෙලාවට අපි බ්ලොග් වලදි පාව්ච්චි කරන LinkWithin වගේ ගැජට් වල පෙන්නන සමහර පෝස්ට් වලට ගියාම ඒ පෝස්ට් මකල නම් ඒත් මේ වගේ මැසේජස් එනවා.

ඉතින් මෙන්න මේ වෙලාවට අපේ පිහිටට ඉන්න දෙයක් තමයි මං කියන්න හදන්නෙ.

ඒ තමයි පේජ් කැෂ්. (උදා:- Google page cache)

අපි යම් වෙබ් පිටුවක් වෙබ් අවකාශයට එක් කරල ටික දවසකදි Google වගේ සර්ච් එන්ජින් අපේ වෙබ් පිටු index කරගන්නවා. ඒ වගේම එම වෙබ් පිටු ඔවුන්ගෙ විවිධ තාක්ෂනික ක්‍රම මගින් ඔවුන්ගෙ servers වල cache කර ගන්නවා. ඒ කියන්නෙ අපේ වෙබ් අඩවි වල පිටු බැකප් කරගන්නව වගේ දෙයක් කියල හිතා ගන්නකො.

මේ උඩ තියෙන්නෙ මෙන්න මේ ගූගල් සෙවුමෙන් ලැබුණ පුංචි කොටසක්. හොඳින් බලන්න මෙහි මම රතු පාටින් ඉරි ඇඳ තියෙනව cached කියන කොටස. මෙයින් කියවෙන්නෙ මෙම අඩවිය ගූගල් විසින් කෑෂ් කර ඇති බව. ඒ කියන්නෙ යම් විදියකින් මේ අඩවිය අක්‍රිය වුනොත් යම් තාක් කාලයක් දුරට එම කැෂ් පිටු කියවන්න පාඨකයන්ට පුලුවන් මෙන්න මේ තියන විදිහට. හැබැයි ඉතින් මෙහිදි පින්තූර, වීඩියෝ වගේ දේවල් ගැනනම් 100% වගකීමක් ගන්න බෑ. නමුත් බ්ලොග් පිටුවක් වෙබ් පිටුවක් වගේ දෙයක් කියවන්න එය බාදාවක් වෙන්නෙ නෑනෙ. මමත් ඔය අපේ සමහර බ්ලොග්කරුවන්ගෙ බ්ලොග් වල මකපු පිටු මේ විදියට කියවල තියෙනවා. ;)

ඔබටත් මේ වගේ මකපු පිටුවක් හම්බ වුනොත් කරන්න තියෙන්නෙ ඒ පිටුවෙ ලිපිනය(Address bar) එකේ දැක්වෙන ලිපිනය කොපි කරගෙන එය ගූගල් වගේ සර්ච් එන්ජිමක සම්පුර්ණ ලිපිනයම පේස්ට් කරල සර්ච් එකක් දාන්න විතරයි. ගූගල් දෙයියො ගාව පිටුව තිබුනොත් ඔයාලට ලැබෙන සර්ච් ලිස්ට් එකේ අදාල පෝස්ට් එකේ cached කියන වචනෙ උඩ ක්ලික් කලානම් පින්තුර කෙසේ වෙතත් පිටුව නම් ගේමක් නැතුව බලාගත්ත හැකි. google, yahoo වගේ සර්ච් එන්ජින් වල මෙම විශේෂාංගය තිබෙනවා . ඒ වගේම මෙහෙම කෑෂ් වෙන්න සාමාන්‍යෙයන් පුංචි කාලයක් ගතවෙන නිසා දාල පුංචි වෙලාවකින් මකන ලද ඒවානම් මෙයින් බලාගන්න ලැබෙන්නෙ නැත. වැඩි විස්තර ඕනෙනම් මෙතනින් බලන්න.

වැල්වටාරමක් වගේ ලිවුවෙ වැදගත් නැති දෙයක්ද මන්ද. :(

ගිහින් එන්නම්. ඔබට ජය.

පෝස්ට් එකකින් වෙනත් URL එකකට ඉබේම Redirect වෙන්න දාන්න ඕනෙනම්....

2011-01-09T07:07:00.003+05:30

මෙන්න ඔයාලට පොඩි වැඩ කෑල්ලක්. කාටහරි වුවමනා වුනොත් කියලයි මේ ලියන්නෙ. මොකද මටත් ඕක ඕන වෙලා මමත් මෙන්න මේ සයිට් එකෙන් මේක දැනගත්තෙ.
ඔයාල ලියන බ්ලොග් එකේ පෝස්ට් එකක ඉඳලා ඒ බ්ලොග් එකේම වෙන පෝස්ට් එකකට හරි වෙනත් බ්ලොග් එකකට, වෙනත් පෝස්ට් එකකට හෝ වෙන ඕබන URL එකකට redirect වෙන්න, ඒ කියන්නෙ ඉබේම ලෝඩ් වෙන්න දාන්න ඕනෙනම් පහල විදියට කරන්න. (හැබැයි මතක තියාගන්න මේක අදාල වෙන්නෙ Blogger භාවිතා කරන අයට විතරයි.)

මෙන්න කෝඩ්ස් ටික සහ කරන විදිය....

මුලින්ම Blogger වල ඔබේ dashboard එකට යන්න ඕන. ඊට පස්සෙ Design ගිහිල්ල Edit HTML යන්න ඕන. (කෝකටත් කියල මුලින්ම ඔතන තියන Download Full Template කියන සබැඳියෙන් ඔබේ දැනට තියෙන template එක මුලින් සේව් කරගන්න එක හදිසියෙ වරදක් වුනොත් ගොඩදාගන්න උදව්වක් වෙයි.)
දැන් කියන කොටස සොයාගන්න. හරියටම එම කොටසට යටින් ඔබේ අවශ්‍යතාවය අනුව පහත තියෙන කොටස්වලින් ඔබට අවශ්‍ය කෝඩ් එක කොපිකරල පේස්ටි කරගන්න.

# සම්පූර්ණ බ්ලොග් එකම Redirect වෙන්න නම්

***the_url_where_you_want_to_go කියන තැනට ඔබට යන්න ඕන තැන ලිපිනය යොදන්න.
***content="3; කියන තැන 3 වෙනුවට redirect වෙන්න ඕන තත්පර කීයකින්ද කියල දෙන්නයි ඕන. (උදා:- තත් 4කින් නම් 4 යොදන්න)

# තෝරාගත්තු එක පෝස්ට් එකකින් විතරක් Redirect වෙන්න නම්

***your_blog_post_address කියන තැනට redirect වෙන්න ඕන මොන පෝස්ට් එකේ ලිපිනය සහ the_url_where_you_want_to_go කියන තැනට ඔබට යන්න ඕන තැන ලිපිනය යොදන්න.

***content="3; කියන තැන 3 වෙනුවට redirect වෙන්න ඕන තත්පර කීයකින්ද කියල දෙන්නයි ඕන. (උදා:- තත් 4කින් නම් 4 යොදන්න)

# තෝරාගත්තු එක පෝස්ට් එකකින් හැර අනෙක් ඒවායින් විතරක් Redirect වෙන්න නම්

3. දැන් Save template ගිහිල්ලා save කරගන්න.

(ඔබට වැදගත් වුණානම් ප්‍රතිචාරයක් දාලා යන්න)

මේ ගැන ඔබට මොකද හිතෙන්නෙ?

2011-01-09T06:26:00.001+05:30

ඔබට මේගැන මොකුත් අදහසක් තියෙනවද?.... බලන්නකො මොකද හිතෙන්නෙ කියල.

෴M5 දුම්රිය එන්ජිම - Made in Japan෴

2011-01-03T13:27:00.000+05:30

ඔබ සැමට සුභම සුභ අලුත් අවුරුද්දක් වේවා!!! කියල මුලින්ම ප්‍රාර්ථනා කරනවා. මගේ ෴අගුරු නොකා වතුර නොබී කොළඹ දුවන යකඩ යකා...෴ බ්ලොගය අරඹලා තාම මාසයක් වත් ගත වුනේ නැති වුනත් මේ වන විට සෑහෙන පිරිසක් එය කියවන්නට ඇවිත් තියෙන බව පේනවා. දුම්රිය ක්ෂේත්‍රය ගැන උනන්දුවක් තියෙන අද සෑහෙන ප්‍රමාණයක් මේ බ්ලොග් අවකාශය තුල ඉන්න බව පේනවා. ඒ ගැන ඇත්තටම හරි සතුටුයි. දේශියව මෙන්ම විදේශිය පාඨකයනුත් පුද්ගලිකව පවා අදහස් දක්වලා තියනවා. එම බ්ලොගයේ ලියූ අලුත්ම ලිපිය මග හැරුණු පාධකයන් වෙනුවෙන් මතක් කිරීමක් හැටියට මෙහි එම ලිපියට සබැඳියක් සටහන් කරන්නම්.

෴M5 දුම්රිය එන්ජිම - Made in Japan෴ ලිපිය කියවීමට මෙතනින් පිවිසෙන්න.

මේ ලිපි පෙල සමග දුම්රිය සේවයේ තවත් විස්තර රාශියක් ඉදිරියෙදි බලාපොරොත්තු වෙන්න.

ස්තුතියි.

_________________________________________________________________

..ChAnDiKa..

http://locolanka.blogspot.com/

M4 ඩීසල් දුම්රිය එන්ජිම - Made in Canada ~ අගුරු නොකා වතුර නොබී කොළඹ දුවන යකඩ යකා

2011-01-01T08:26:00.000+05:30

දැන් අගුරු නොකා වතුර නොබී කොළඹ දුවන යකඩ යකා කියන ලිපි පෙල මෙම බ්ලොගයේ පලවෙන්නේ නෑ. ඒ වෙනුවෙන් මම ෴අගුරු නොකා වතුර නොබී කොළඹ දුවන යකඩ යකා...෴ නමින් අලුත් බ්ලොගයක් අරඹලයි තියෙන්නේ. අලුත් ලිපි පළවෙන්නෙ එහි. කෙසේ වුණත් තවමත් ඒ ගැන හරි හැටි දැනුවත් නොවූ පාඨකයන් වෙනුවෙන් මතක් කිරීමක් හැටියට එම මෙහි එම ලිපියට සබැඳියක් සටහන් කරන්නම්.

M4 ඩීසල් දුම්රිය එන්ජිම - Made in Canada ලිපිය කියවීමට මෙතනින් පිවිසෙන්න.

ස්තුතියි.

_____________________________________________________________________________

..ChAnDiKa..

http://locolanka.blogspot.com/

2011 වසරට අවුරුදු සුභ පැතුම්....

2010-12-31T18:12:00.000+05:30

ඉතින් ඔන්න හිතවතුනි 2010 වසරෙ ලියන අවසාන ලිපිය. මේ පහුගිය වසර දිහා අපසු හැරිලා බලද්දී මටනම් සතුටු වෙන්න කාරණාවන් කිහිපයක්ම තිබෙනවා. ඉතින් ඉටුකරගත්තු පැතුම් වගේම ඉටුකරගන්න තියෙන බලාපොරොත්තු සේරමත් අරගෙන 2010 වසරෙන් උදාවන අවුරුද්දට පිවිසෙන්න බලාගෙන ඉන්න හිත මිතුරු බ්ලොග් මිතුරු මිතුරියන් හැම දෙනාටම සුභ අලුත් අවුරුද්දක් වේවා කියලා පතන්නම්. එහෙනම් අලුත් අවුරුද්දෙදි නැවත හමුවෙමු.

හෙටින් උදාවන 2011 නව වසර ඔබ සැමට සුභම සුභ අලුත් අවුරුද්දක් වේවා!!!!

..ChAnDiKa..

''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

http://ekicks.blogspot.com/

http://love-hurt-tears.blogspot.com/

http://locolanka.blogspot.com/

දැන් අලුත් තැනක ~ අඟුරු නොකා වතුර නොබී කොළඹ දුවන යකඩ යකා....

2010-12-30T20:09:00.001+05:30

මෙම බ්ලොගය ඔස්සේ ලියවුන "අඟුරු නොකා වතුර නොබී කොළඹ දුවන යකඩ යකා...." ලිපි පෙල මෙතැන් සිට ෴අඟුරු නොකා වතුර නොබී කොළඹ දුවන යකඩ යකා....෴ නමැති අලුත් බ්ලොගයට ගෙන යන අතර එම අලුත්ම බ්ලොග් අඩවිය ඔසසේ ශ්‍රී ලාංකීය දුම්ර්ය සේවයේ තොරතුරු කියවන්නට පිවිසෙන ලෙස මගේ ආදරණිය බ්ලොග් හිතවතුන්ට මෙයින් මතක් කරමි.

ස්තුතියි.

M3 ඩීසල් දුම්රිය එන්ජිම - Made in Sri Lanka ~ අඟුරු නොකා වතුර නොබී කොළඹ දුවන යකඩ යකා....

2010-12-18T14:05:00.002+05:30

මේ ලිපියේ මාතෘකාව ඔයාල දකින්න ඇති නේ. හ්ම්.. ඒක තමයි. පුදුමයි නේද? පුදුම වෙන්න දෙයක් නෑ යාලුවනේ. මේ ලිපිය කියවලාම බලන්නකො.

අද මං ඔයාලට විස්තර ගෙන එන්නේ අපේ දුම්රිය සේවා කටයුතු වලට යොදවා ගත්තු තවත් ඉතා වැදගත් එන්ජිමක් ගැන විස්තර. මෙහි තිබෙන වැදගත්කම තමයි මෙම එන්ජිම 99%ක්ම ශ්‍රී ලාංකීය නිෂ්පාදනයක් වීම. එය ශ්‍රී ලාංකීය අපට මොන තරම් ආඩම්බයක්ද? ඔව්.. ඇත්තෙන්ම... ඒත් ඇයි මේ 99% කිවුවේ.... ඉස්සරහට කියවගෙන යන්නකො. ඒ වගේම මං ඉල්ලනව පුලුවන් හැටියකට මගේ මේ උත්සහය ගැන පුංචි වචනයකින් හරි ඔබේ අදහස් දක්වනවනම්. මොකද කියනවනම් ඒ ප්‍රතිචාර මට ගොඩක් වැදගත්...

1938 වසරේදී තමයි අපේ රටට මුල්ම බලවේග දුම්රිය කට්ටලය ගෙන එනු ලැබුයේ. ඒ ගැන විස්තර පසු ලිපියකින් ඉදිරිපත් කරන්නම්. කෙසේ වුවත් මෙම බලවේග දුම්රිය මුහුදුබඩ දුම්රිය මාර්ගයේ ධාවනය සිදුකල හෙයින් ඉතා ඉක්මනින්ම දිරාපත් වීමට ලක් වීම නිසා 1955දී පමණ ඉවත් කරනු ලැබු අතර එම බලවේග දුම්රියේ එන්ජින් කට්ටලය ඉතා හොඳ තත්වයෙනුයි ඒ වන විටත් තිබුණෙ.

අංක 589 දරණ M3 ජයන්ති එන්ජිම

මේන්න මේ එන්ජින් කට්ටලය තමයි M3 එන්ජිම සැලසුම් කිරීමේ මුලික අදහස පැමිණෙන්නට හේතුව. ඒ 1956 වර්ෂයේදී. අන්න ඒ නිසයි 99% ශ්‍රී ලාංකික නිපැයුමක් වන්නෙ. බල සැපයුම් එන්ජිම වෙනත් දුම්රියක එකක්. මේ වෙනුවෙන් ප්‍රමුඛතාවය ගෙන කටයුතු කලේ එවකට රත්මලාන දුම්රිය කර්මාන්ත ශාලාවේ ප්‍රධාන ඉංජිනේරුවරයා ලෙස කටයුතු කරන ලද රාජ් ගෝපාල් මහතායි. මෙම එන්ජින් නිපදවීමට සැලසුම් කෙරැණේ ෂන්ටින් කටයුතු (දුම්රිය අංගන වලදී මැදිරි එහා මෙහා ඇදගෙන යාම, ඒවා ගාල් කීම ආදී කටයුතු) සඳහා යොදවා ගැනීමේ අදහසින්. ප්‍රමාණයෙන් M3 අනෙකුත් සහෝදර එන්ජින් වලට වඩා කුඩායි.

මේ දැක්වෙන්නෙ M3 හි විස්තර

පන්තිය :- M3
බර :- ටොන් 47
නිෂ්පාදනය :- ශ්‍රී ලංකා දුම්රිය දෙපාර්තමේන්තුව
උපරිම බලය :- අශ්ව බල 180 (90hp x 2 engines)
දුම්රිය එන්ජින් වර්ගය :- Diesel Electric
බල සැපයුම් එන්ජිම :- Williams & Robinson - Type-H6
Weel Arrangement :- Bo-Bo
තිරිංග පද්ධතිය :- Vacuum
උපරිම වේගය :- 55mph
වර්ණය :- ලා නිල්, තද නිල්, රීදී පැහැය සමග කහ පැහැ පටියක්

කෙසේ වුවත් යම් යම් දේශපාලනික මැදිහත් වීම් නිසා මෙම M3 එන්ජිම ෂන්ටින් කටයුතු වලින් බැහැරව මගී ප්‍රවාහන කටයුතු වෙනුවෙන් යොදවන්නට දෙපාර්තමේන්තු බලධාරීන්ට සිදුවුණා. 1956 වසරේ පත්වුන නව රජයේ ප්‍රවාහන අමාත්‍යවරයා වු ගරු මෛත්‍රීපාල සේනානායක මැතිතුමාගේ ඉල්ලීමට අනුව (එතුමන් නියෝජනය කලේ මැදවච්චිය ආසනයයි) මෙම දුම්රිය එන්ජිම එම ප්‍රදේශයේ මගී ප්‍රවාහන කටයුතු වෙනුවෙන් යොදවන්නට දෙපාර්තමේන්තුවට සිදුවුනා. මේ අනුව මෙම එන්ජිම අනුරාධපුර-මැදවච්චිය සහ අනුරාධපුර-මහව අතර ධාවනය සිදු වුනා.

පලමුව නිපදවුන M3 එන්ජිම "ජයන්ති" ලෙස නම් කරන ලද්දෙ 1956 වසරේ යෙදී තිබුණ බුද්ධ ජයන්තිය සිහිගැන්වීම වෙනුවෙනුයි. මෙම එන්ජිම 1956 සැප්තැම්බර් 05 වන දින ප්‍රවාහන හා වැඩ අමාත්‍යවරයා වු ගරු මෛත්‍රීපාල සේනානායක මැතිතුමාගේ අතින් විවෘත කර ජනතා සේවය සඳහා යොදවන ලද අතර එය ප්‍රදේශයේ මගී අවශ්‍යතා වෙනුවෙන් වෙන් කෙරුණා.

කෙසේ වෙතත් ෂන්ටින් කටයුතු වෙනුවෙන් සැලසුම් කරන ලද එන්ජිම මගී ප්‍රවාහන කටයුතු වෙනුවෙන් යොදා ගැනීම නිසා දෙපාර්තමේන්තුවට නොයෙක් ගැටලු වලට මුහුණ දෙන්නට සිදු වුණා. අධික ලෙස රත් වීමත් වෙනත් විවිධ තාක්ෂණික ගැටලු රාශියකුත් ඉතා සුලු කාලයකදීම පැන නැගුණා. (ෂන්ටින් කටයුතු වලදි බොහෝවිට එන්ජිමක් ධාවනය වන්නේ කුඩා කාලයන් සඳහායි. මෙහිදී එන්ජිම එහා මෙහා යන්නෙත් අඩු දුර ප්‍රමාණ වලදී නිසා අනවශ්‍ය රත්වීම් වලින් තොරව එන්ජිමට අවශ්‍ය විවේකය සහ සිසිලනය ලැබෙමින් ධාවනය සිදුකල හැකියි.) මේ හේතුව නිසා දෙපාර්තමේන්තුවට සිදුවුනේ මුලින් නිපදවූ අංක 589 දරණ එන්ජිම නැවතත් ප්‍රතිනිර්මාණය කරන්නයි.

1957 වසරේදීම තවත් M3 පන්තියේ එන්ජිමක් (590) රත්මලාන කර්මාන්ත ශාලාවේදීම නිපදවන ලද අතර මෙම 589(ජයන්ති) සහ 590 එන්ජින් ද්විත්වය වසර 10ක් පමණ ධාවනය කර ඇති බව සඳහන්වෙනවා. පසුව ධාවනයෙන් අත්හැර දමා රත්මලාන කර්මාන්ත ශාලා භුමියේ කැලැබදව දිරා යමින් තිබුණ මෙම රැකගත යුතුව තිබූ වටිනා සම්පත 2002 වසරේ දිනයක ඉතා අවාසනවන්ත ලෙස පැරණි යකඩ සඳහා කපා අලෙවි කෙරුණේ කීර්තිමත් සංධිස්ථානයක්ව සුරැකීමට තීබූ තවත් ප්‍රෞඩ මං සලකුණක පරිච්ඡේදය එසේ අවසන් කරමිනුයි. අපගේ ඉදිරි පරම්පරාවට M3 එන්ජිම දැක ගැනීම හැකිවනුයේ ඡායාරෑප කිහිපයකින් පමණක් වීම කණගාටුවට කාරණයක්.

ස්තූතිය :-

මෙම ලිපිය සඳහා තොරතුරු සොයා යාමේදී විශේෂ සහයක් ලබා දුන් නලීන් අබේසිංහ සොයුරාට විශේෂ ස්තුතිය පිරිනැමේ.

ආශ්‍රිත ලිපි :-

http://www.freewebs.com/m3loco/

M2 දුම්රිය එන්ජිම ~ අගුරු නොකා වතුර නොබී කොළඹ දුවන යකඩ යකා....

2010-12-17T15:00:00.010+05:30

ඉතින් කොහොමද යාලුවනේ. ඔන්න අදත් ආවා තවත් එන්ජිමක් ගැන විස්තර අරගෙන. M1 එන්ජිම ගැන ලියපු ලිපියට ගොඩක් හොඳ ප්‍රතිචාර බ්ලොග් එක හරහා වගේම පුද්ගලිකවත් ලැබෙනවා. ඒ හැමදෙනාටම බොහොමත්ම ස්තුතියි. ශ්‍රී ලාංකීය ඉතිහාසයේ ඉතා වැදගත් අංශයක් ලෙස අපේ දුම්රිය සේවය ඉතා වැදගත්. කලින් කලට විවිධ වෙනස්කම් ඔස්සෙ නවීකරණය වූ එහි විවිධ තොරතුරු ඔබට සිංහලෙන් ගෙන ඒමයි මෙහි අරමුණ. අපේ දුම්රිය ගැන ඉංග්‍රීසි බසින් පලවෙන වෙබ් අඩවි බොහෝ ප්‍රමාණයක් තිබුණත් සිංහලෙන් ලියවුන ඒවා ඇත්තෙ ඉතා අතලොස්සක්. එහි අඩුව මදකින් හෝ පිරවීම තවත් එක් බලාපොරොත්තුවක්. මෙම ලිපිපෙල ලීවිමේදී ඇතැම් ඡායාරූප සහ විස්තර අන්තර්ජාල ඔස්සේත් විවිධ දැනහැඳිනීම්කම් ඔස්සේ විවිධ පුද්ගලයන්ගෙනුත් සපයා ගන්නා බවත්, ඒම ඡායාරූප වල අයිතිය ඒම අදාල අඩවි වල ප්‍රකාශකයන්ට හිමිවිය යුතු බවත් ප්‍රකාශ කල යුතුයි.

අද ඔබට ගෙන එන්නෙ ශ්‍රී ලංකාවෙ අපට ඉතා වැදගත් මෙහෙයක් ඉටුකරන තවත් පතාක යෝධයෙක් ගැනයි. නමින් ඔහු M2. මෙහෙම කිවුවට බොහෝ දෙනෙක් නොදන්නවා විය හැකියි. 2004 වසරේ සුනාමි ව්‍යවසනයට මුහුණ දුන් දුම්රිය ඔබට මතකද? එහි එන්ජිම ඔබට මතක ඇත්නම් එය M2 වර්ගයේ එන්ජිමක්. ඉතින් අද ඔබට ඉදිරිපත් කරන්නෙ එම වර්ගයේ එන්ජින් ගැන විස්තරයක්. මෙයත් දුම්රිය ඉතිහාසයේ වැදගත් සංධිස්ථානයක් සටහන් කල අතර තවමත් දුම්රිය සේවයේ වගකීම් අතුරෙන් සැලකිය යුතු කොටසක් තම උරමත හොවාගෙන තම බාල සොයුරන් සමග තරග වදින පතාක යෝධයෙක්.

කැනඩාවේ ජෙනරල් මෝර්ටර්ස් (General Motors-Canada) නැමැති සුප්‍රකට සමාගමේ නිශ්පාදනයක් වන මෙය අපේ රටට ලැබෙනුයේ 1954 වසරේදී. ඒ "කොළඹ ක්‍රමය" හෙවත් The Colombo Plan නමැති විදේශ ආධාර වැඩ සටහන ඔස්සේයි. මෙයත් Diesel-Electric වර්ගයේ එන්ජිමක්. G12 වර්ගයේ එන්ජින් වන මේවා ආනයනයෙන් පසුව මෙහිදී M2 ධාවන පන්තිය යටතේ සේවයට යෙදවුනා. වර්ණ ගැන්වී තිබුණේ කොල සහ රතු පැහැයෙන්.

එම M2 ධාවන පන්තිය M2,M2a,M2b,M2c සහ M2d ලෙස උප කාණ්ඩ පහකට වෙන් කර තිබෙනවා. එසේ ගෙන්වා ඇති මුලු එන්ජින් ගණන 14ක්. ඉතාම සතුටුදායක කාරණාවනම් මෙසේ ගෙන්වු එන්ජින් 14න් 13ක්ම තවමත් සාර්ථකව ධාවනයට යෙදවීම. එක් එන්ජිමක් පමණක් ධාවනයෙන් ඉවත් කෙරුණේ ත්‍රස්තවාදී ප්‍රහාරයක් නිසා නැවත අලුත්වැඩියා කල නොහැකි නිසයි.

මේ එන්ජින් පිලිබඳ විස්තර දැන් බලමු.

පන්තිය :- M2
බර :- ටොන් 79
නිෂ්පාදනය :- General Motors (G.M.D.) (කැනඩා සමාගම)
උපරිම බලය :- අශ්ව බල 1425
දුම්රිය එන්ජින් වර්ගය:- Diesel Electric
බල සැපයුම් එන්ජිම :- General Motors - 1425hp GM V12 12-567c (2 stroke)
උපරිම වේගය :- 112km/h
වර්ණය :- පළමුව රතු හා කොල පැහැය(UNP රජය), පසුව ලා නිල්, තද නිල්, රීදී . .. පැහැය සමග කහ පැහැ පටියක්

මෙයින් M2,M2a,M2b සහ M2d s එන්ජින් වල ඇත්තේ A1A-A1A වර්ගයේ axle arrangement වන අතර M2c වල ඇත්තේ Bo-Bo Axle arrangement. (Axle arrangement ගැන දැනගන්න මෙයින් යොමුවෙන්න). තවද මෙහි Sand Box පහසුකමත් අඩංගුයි. එමගින් මාර්ගය ලිස්සන අවස්ථාවේදී මාර්ගයට වැලි එකතු කර ඝර්ෂණය වැඩි කරගන්නවා.

මෙසේ ගෙන්වූ මුල්ම එන්ජිම අංක 569 යටතේ එන්ජින් බල ඇණියට යෙදවුනා. එම මුල්ම එන්ජිම තම මංගල ගමන සනිටුහන් කලේ 1954 අප්‍රේල් මස 24 වැනි දින රුහුණු කුමාරිය සමග හාද වී ඇය මාතර දක්වා කැඳවාගෙන යාමෙන්. එසේ ඇරඹුණු M2 එන්ජින් වල සේවය අදත් වසර 50 ස්වර්ණ ජයන්තියද පසු කරමින් ඉතා සාර්ථක ලෙස සේවයේ යෙදෙන එක දුම්රිය කෙරෙහි උනන්දුවක් ඇති නොමද සතුටට හේතුවන කාරණයක්.

මෙහිදි මෙම එන්ජින් වල සුළු වෙනස්කම් කිහිපයක් පමණයි සිදුකොට ඇත්තෙ. ඉදිරිපස ආරක්ෂක බාධා නිවාරකය(බපරය) හෙවත් Cowcatcher ඉවත් කර ඒ වෙනුවට W1 එන්ජිමෙහි එම කොටස යොදා තිබීමත් ඉදිරිපස ආලෝක ලාම්පු වෙනස් කිරීමත් ආදීය සුලු වෙනස්කම් පමණයි. දෙපාර්තමේන්තුවේ සේවකයන්ගේ මනා කැපවීමත් උසස් නඩත්තුවත් නිසා මේවා සාර්ථක ලෙස (කැළණිවැලි මාර්ගයේ හැරුණුකොට අන් සියලු මාර්ගවල) ධාවනයේ යෙදෙනවා. එබැවින් මෙතෙක් ගෙනා සාර්ථකම දුම්රිය එන්ජිම ලෙස මෙය හැදින්වෙනවා.

මෙම එන්ජින් සඳහා විවිධ නම් දෙපාර්තමෙන්තුව මගින් ලබා දී තිබුණා. එසේ ලබා දුන්නේ කැනඩාවේ විවිධ පලාත්වල නම්. එම විස්තර පහත දැක්වෙනවා.

අංකය	නම	ගෙන්වූ වසර	ධාවන පන්තිය	විශේෂ කරුණු
569	Ontario	1954	M2	1956.04.24 රුහුණු කුමාරි සමග මුල්ම ගමන
570	Alberta	1954	M2	1956.04.24 යාල්දේවී සමග මුල්ම ගමන, *note 1
571	Saskatchewan	1954	M2	1956.04.24 උඩරට මැණිකේ සමග මුල්ම ගමන, **note 2
572	British Colombia	1955	M2	_
573	Quebec	1955	M2	_
591	Manitoba	1956	M2a	**note 3
592	Nova Scotia	1956	M2a	_
593	New Brunswick	1956	M2a	_
594	Prince Edward Island	1958	M2b	_
595	Newfoundland	1958	M2b	_
626	Montreal	1961	M2d	මුල්ම ගමන 1961.08.08, ***note 4
627	Vancouver	1961	M2c	මුල්ම ගමන 1961.08.04, ***note 4
628	කන්කසන්තුරේ	1966	M2d	***note 5
629	ගාල්ල	1966	M2d	***note 5

*note 1 :- සිවිල් යුද්ධය නිසා 1992 සිට 1996 දක්වා කන්සන්තුරේ ගාල්කර තිබී පසුව නැව් මගින් කොළඹට ගෙනවිත් රත්මලාන කර්මාන්ත ශාලාවේදී පිලිසකර කර ධාවනයට යොදන ලදී. නැවතත් 2007.06.07 පූනානි හිදි බිම් බෝමිබයකට අසුවී සුලු හානි සිදුවිය.

*note 2 :- යාල්දේවි දුමිරිය 1985 ජනවාරි 19 දින LTTE ත්‍රස්තවාදී ප්‍රහාරයකට ලක්වීමෙන් මෙම එන්ජිම නැවත අලුත්වැඩියා කල නොහැකි ලෙස විනාශ විය.

*note 3 :- 2004 දෙසැම්බර් 26 දින සුනාමි ව්‍යවසනයට හසුවූ පසු නැවත අලුත්වැඩියා කර 2008 දෙසැම්බර් 26 දින නැවත ධාවනයට එක් කරන ලදී.

*note 4 :- උඩරට ධාවනයට පමණක් යෙදවේ. (මාතලේ මාර්ගය හැර).

*note 5 :- මේවා පළමුව සිමෙන්ති ප්‍රවාහනයට ගෙන ආ මුත් දැන් මගී ප්‍රවාහන කටයුතු සඳහා යොදවා ඇත. මෙම එන්ජින් දෙක ඇමරිකාවේ නිෂ්පාදිතයි. මෙම එන්ජින් දෙකට අදාල සිමෙන්ති සමාගම් වෙනුවෙන් කන්කසන්තුරේ සහ ගාල්ල ලෙස සිංහල නම් යොදා තිබීම විශේෂත්වයකි.

ඡායාරූප පෙල....

මහනුවරට ලඟාවන M2 එන්ජිමක් සහිත දුම්රියක්.....

මේ දැක්වෙන්නේ 573 මෙරටට ඒමට පෙර කැනඩාවේදී...

595 මෙරටට ඒමට පෙර කැනඩාවේදී..

(593 විය යුතුයි) පෙර පැවති වර්ණය...

569 Ontario......

569 මනම්පිටිය පාලම මත....

570 Alberta බෙන්තොට දුම්රිය ස්ථානයේදී......

594 Princes Edward Island

595 Newfoundland

626 Montreal නානුඔයදී....

626 Montreal කොළඹ කොටුවේදී....

627 Vancouver නානුඔයදී.......

629 "ගාල්ල" එන්ජිම මාතර බලා යාමට සූදානමින් ගාලු දුම්රිය පොලේදී....

628 "කන්කසන්තුරේ" එන්ජිම

627 Vancouver නානුඔය පාලම මතින් බදුලු දෙසට...

සුනාමි ව්‍යවසනය නිසා පෙරැලුණු 591 Manitoba.......

591 Manitoba යලි පණ ලැබ.........

(මෙහි පල කර ඇති සියළු ඡායාරූප වල අයිතිය පහතින් දක්වා ඇති ඒවාට අදාල මුල් ලිපිවල හිමිකරුවන් සතුය.)

ලිපියට තොරතුරු සහ ඡායාරූප :-

http://www.railwaymuseum.lk/
http://www.facebook.com/photo.php?fbid=1345201488485&set=o.48455420684
http://www.colombo-plan.org/resources/newsletters/FocusJanuary2005.pdf
http://www.srilankadot.com/wiki-Sri_Lanka_Railways
http://gyan.slrfc.org/locoalberta.htm
http://gyan.slrfc.org/locoemd.htm
http://www.srilankanlocos.com/about/abt.html
http://emdexport.railfan.net/asia/srilanka.html
http://www.flickr.com/photos/yimhafiz/sets/72157607657699571/
http://www.srilankanlocos.com/intro.html

M1 එන්ජිමේ තවත් දුර්ලභ ඡායාරූප කීපයක් ~ අගුරු නොකා වතුර නොබී කොළඹ දුවන යකඩ යකා....

2010-12-12T18:27:00.003+05:30

ලංකා දුම්රිය සේවයේ විවිධ තොරතුරු ගැන කතා කරන ලිපි පෙලේ මෙතෙක් පලවුනු ලිපි කියවපු සහ ඒවාට කමෙන්ට් දැමීමෙන් මාව ධෛර්යයමත් කරන ඔයාල හැමෝටම මුලින්ම මං ස්තුති වන්ත වෙනවා. ලියන එක සතුටක්. ඒ ලියන දේවල් කවුරුහරි කියවනවනම් ඒවයෙ අඩුපාඩු පෙන්නනවනම් ඊට වඩා සතුටුයි.

හ්ම් දැන් මාතෘකාවට එමු. අපි අන්තිමට කතා කරේ M1 එන්ජිම ගැනනෙ. ඊලග ලිපියට කරුණු සොයමින් සිටින අතරෙ මට ලැබුණා ඉතා වටිනා, ඒ වගේම ඉතාමත් දුර්ලභ ඡායාරූප පෙලක්. ඉතින් මං හිතුවා ඒවා මං වගේම දුම්රිය ක්ෂේත්‍රෙය් උනන්දුවක් තියන ඔයාල එකක් බෙදාගන්න. මේ පහත දැක්වෙන්නෙ එම ඡායාරූප.

ඉතාම දුර්ලභ අවස්ථාවක්- M1 එන්ජිමක් ගොඩබෑම හෝ පීලිගත කිරීමක් විය යුතුයි.

මේ තවත් එවන් සේයාරුවක්...

මේ සූදානම ඉදිරියට ඇදෙන්නයි...

මේ ජායාරූපය නම් පැහැදිලි නෑ....ඇතැම් විට මේවා අපනයනයට පෙර එංගලන්තයේදී ගත් එකක් විය හැකියි..

උඩරට මාර්ගයේ......

කොහොමද ලස්සන?

ප්‍රමාණයෙන් වගේම හැකියාවෙනුත් යෝධයෙක්.... :D

ගමනක් අතරමග...

මේ ඡායාරූපය පෙර ලිපියෙත් පලවුණා මතකද?

මේ අපි කවුරුත් දන්නා යාල්දේවී දුම්රිය බව වෙනත් කෙහේ හෝ ලිපියක හෝ කැලැන්ඩරයක දුටුවා මට මතකයි....

මේත් යාල්දේවියම තමයි....

අනිත්‍යය පසක් කොට...

සොයුරෙකුගේ උදවුවෙන් මේ එන්නෙ අවසන් ගමන් යන්නටද?

තවත් ලිපියකින් හමුවෙමු....

ඡායාරූප වල අයිතිය http://brushlanka.slrfc.org සහ http://www.phantasrail.com/sl_odds_and_ends.htm සතු වන අතර M1 එන්ජිම පිළිබඳ විස්තර අඩංගු මුල් ලිපිය සඳහා සබැඳිය මෙතැනින්......

පසුවදනක්- ශ්‍රී ලංකාවේ පළමු ඩීසල් දුම්රිය එන්ජිම ~ අගුරු නොකා වතුර නොබී කොළඹ දුවන යකඩ යකා....

2010-12-05T10:04:00.000+05:30

ඊයේ දිනයේ මම ලියපු ශ්‍රී ලංකාවේ පළමු ඩීසල් දුම්රිය එන්ජිම ~ අගුරු නොකා වතුර නොබී කොළඹ දුවන යකඩ යකා.... ලිපියට හොද ප්‍රතිචාර ලැබුණා හැමෝටම ගොඩක් ස්තුතියි. එහි මට ඊයෙ ලැබුණු තවත් අලුත් තොරතුරු ටිකක් ඇතුලත් කරා. එම ලිපිය කියවීමට මෙතනින් පිවිසෙන්න.

ස්තුතියි.

ශ්‍රී ලංකාවේ පළමු ඩීසල් දුම්රිය එන්ජිම ~ අගුරු නොකා වතුර නොබී කොළඹ දුවන යකඩ යකා....

2010-12-04T20:10:00.012+05:30

ඔන්න එහෙනම් ආවා දෙවනි කෝච්චි කතාව අරගෙන.අද කියන්න බලාපොරොත්තු වෙන්නෙ ශ්‍රි ලංකා දුම්රිය ඉතිහාසයේ ඉතා වැදගත් සංධිස්ථානයක් සටහන් වුන දෙයක් ගැනයි.

ආරම්භක යුගයෙ ඉදන් ඒ කියන්නෙ 1858 ඉදන් 1953 පමණ දක්වා ශත වර්ශයක් පමණ කාලයක් අපේ රටේ දුම්රිය සේවය රදාපැවතුණ කොදු නාරටිය වුනේ (ගල් අගුරු දවා ජලය රත්කිරීමෙන් ඉපදෙන) වාෂ්ප බලයෙන් ධාවනය වුන වාෂ්ප එන්ජින්. රටේ ප්‍රවාහන සේවයට මනා සහයක් ලබාදෙමින් මේ දැවැන්ත යෝධයන් තම සේවය නොඅඩුව සියවසක් පමණ කාලයක් දුම්රිය දෙපාර්තමේන්තුවට ලබා දුන්නා.

කෙසේ වෙතත් මෙම එන්ජින් භාවිතයේ සහ නඩත්තුවේ අපහසුතාවයන් හේතුකොටගෙන 1953 වන විට දුම්රිය දෙපාර්තමේන්තුවේ ප්‍රධාන යාන්ත්‍රික ඉංජිනේරුවරයා වූ බී.ඩී රම්පාල (පසුව සාමාන්‍යාධිකාරී(1955-1970)-පළමු සිංහල සාමාන්‍යාධිකාරීවරයා) මැතිතුමාගේ මූලිකත්වයෙන් ඩීසල් එන්ජින් ගෙන ඒමට පිඹුරුපත් සකස් කලා.

ඒ අනුව 1953 වසරේදී මුල්ම ඩීසල් එන්ජිම ලංකාවට ගෙන ආවා. M1 කාණ්ඩය යටතේ වර්ග කරනලද මෙම එන්ජිම අලංකාර රතු පැහැයෙන් යුක්ත වූ අතර එහි විස්තර මෙසේයි.

පන්තිය :- M1

නිෂ්පාදනය :- Brush Bagnall (මහා බ්‍රිතාන්‍ය සමාගම)

බර :- ටොන් 88

උපරිම බලය :- අශ්ව බල 1000

දුම්රිය එන්ජින් වර්ගය :- Diesel Electric

බල සැපයුම් එන්ජිම :-1000hp Mirrlees V12 JS12VT (4 stroke)

සාමාන්‍යෙයන් ඩීසල් දුම්රිය එන්ජිමක් ක්‍රියා කරන්නෙ මෙහෙමයි. ඔය අපි දකින එන්ජිම ඇතුලෙ තියනව ඉතා බලවත්, ඩීසල් එන්ජිමක්. එය ක්‍රියා කරන විට ඊට සම්බන්ධ කර ඇති විශේෂ ජෙනරේටරයක් ක්‍රියාත්මක වෙනවා. ඉන් ඉපදෙන විදුලිය පාලක පරිපථයන් ඔස්සේ ගමන් කර දුම්රිය එන්ජිමේ රෝද වලට සම්බන්ධ කර ඇති ට්‍රැක්ශන් මෝටර් වලට ලැබුනම එම මෝටර කරකැවෙනවා. එතකොට දුම්රිය එන්ජිමේ රෝද කරකැවීමෙන් දුම්රිය එන්ජිම ධාවනය කල හැකියි. මේ ක්‍රමය භාවිත වන එන්ජින් තමයි පොදුවේ Diesel Electric එන්ජින් බලෙස හැදින්වෙන්නෙ.

මෙහෙම ලංකාවට ගෙන්වපු මුල්ම එන්ජිමට ලැබුණ අංකය තමයි 539. (සෑම එන්ජිමකම තමන්ට හිමි අංකය එහි ඉදිරියේ සටහන් කරල තියෙනව). එම දුම්රිය එන්ජිම සාර්ථක ප්‍රතිඵල පෙන්නුව නිසා දෙපාර්තමේන්තුව මෙම වර්ගයේ තවත් එන්ජින් 24ක් ගෙන්වීමට කටයුතු කලා. මෙසේ ගෙන්වූ එන්ජින් 25 (අංක 539 සිට 563 දක්වා) බල ඇණිය රටේ සතර දිග් භාගයේම දුම්රිය සදහා යෙදවුනා. Double-Headed (එකවර එන්ජින් දෙකක්) ආකාරයට මෙම එන්ජින් උඩරට දුම්රියන් සදහාද ඉතා සාර්ථක ලෙස ධාවනයට යෙදවුනා.

මෙසේ අප දුම්රිය සේවයේ වැදගත් සංධිස්ථානයක් සනිටුහන් කල M1 පන්තියේ දුම්රිය එන්ජින් 1953 සිට 1983 දක්වා අඛණ්ඩව වසර 30ක් පමණ කාලයක් තම අගනා සේවය සපයා තිබෙනවා. එම දශක තුනක කාලය තුල මේවා අති සාර්ථක එන්ජින් ලෙස කාගෙත් පැසසුමට ලක් වුණා. කෙසේ වුවත් 1983 වසරේදී එතෙක් ධාවනයට යොදවා තිබුණ මෙම දැවැන්තයින් විශ්‍රාම ගැන්වීමට දුම්රිය දෙපාර්තමේන්තුව තීරණය කලේ මෙයින් ලබා ගත හැකි උපරිම සේවය ඒ වන විට ලබාගෙන තිබීම නිසා උපරිම ඒවායේ කාලසීමාව අවසන් වීමත්, අවශ්‍ය අමතර කොටස් සපයා ගැනීමට අපහසු වීමත් නිසා තව දුරටත් නඩත්තු කල නොහැකි තත්වයට පත්වීමෙන්, ඒවා තව දුරටත් ධාවනය කරවීම ලාභදායී නොවීම නිසා බව තමයි දැනගන්නට ලැබුණෙ.

මෙසේ කලක් පතාක යෝධයින් ලෙස වැජඹුණු මෙම දැවැන්තයින්ගේ වර්තමාන තත්වයනම් අතිශයින්ම ඛේදනීයයි. එම එන්ජින් 25න් මේ වන විට පැහැදිලිවම ඉතිරිව ඇත්තෙ ඉතා සුලු ප්‍රමාණයක්. ඒවාත් වහාම සංරක්ෂණය කලයුතු තත්වයේයි පවතින්නෙ.මෙවන් වටිනා උරුම සුරැකීම අතින් අප රට පසූගාමී වීමනම් අතිශයින්ම ඛේදනීයයි.

මේ ඉහල දැක්වෙන්නෙ අංක 560 දරණ එන්ජිම චාවකච්චේරි දුම්රිය පොලේදී ගන්නා ලද ඡායාරෑපයක් බව මෙහි සටහන් වෙනවා. බොහෝ විට මේ යාල් දේවි දුම්රිය විය හැකියි. මෙය ඡායාරැපයට නැගුවෙ කවුදැයි සටහන්ව තිබුනෙ නෑ.

මේ ඉහල දැක්වෙන්නෙ අංක 551 දරණ එන්ජිම කොණ්ඩවිල් දුම්රිය පොලේදී 1984 ගන්නා ලද ඡායාරෑපයක්

මෙම ඡායාරෑපය අරගෙන තියෙන්නෙ ඩග්ලස් එදිරිසිංහ නැමති අයෙකු විසිනුයි. ඒ 1964 වසරේදි. ස්ථානය තලවකැලේ සහ කොටගල අතර ස්ථානයකදි බව සටහන් වෙනවා.

මෙන්න අද තත්වය

මේ නිහඩව බලාසිටින්නේ එදා දැවැන්ත සේවයක් ඉටුකල පරපුරේ තවත් එක් සලකුණක්. (ඉහත මුල්ම ඡායාරූපයේ ඇති 560 එන්ඡිමේ මීට වසර කීපයකට පෙර තත්වය)ග අද වන විට කුමන තත්වයෙන් තියෙනවාදැයි ද දැනගන්නට නෑ.

මෙම එන්ජිමේ අංකය 560 හෝ 550 නමුත් පැහැදිලි නෑ.

පසු සටහන.

ඊයේ දිනයෙදි ලියන ලද මෙම සටහන පල කලාට පසුව තවත් කරුණු ටිකක් දැනගන්නට ලැබුණා. පහත ඡායාරෑපය බලන්න.

(අත්‍යවශ්‍ය හේතුවක් නිස මෙහි තිබු ඡායාරූපය ඉවත් කල බව කරුණාවෙන් සලකන්න.)

මේ අනුව ඉතා පැහැදිලිව පෙනෙන අයුරින් මෙම දැවැන්තයින් සියලු දෙනාගේම ඉරණම කැබලි බවට පත් වීමයි. අනාගත පරපුරට දැක ගැනීමට ලැබෙනුයේ M1 හි ඡායාරෑපයන් පමණයි. අගනා සම්පතක් ලෙස රැකගතයුතු වටිනා සම්පත් මෙසේ විනාශ කර දැමීම ජාතියේම අවාසනාවක්.. :(

............................................................

මෙම ලිපියට සබැදි,

http://brushlanka.slrfc.org/articles/article2.htm

http://gyan.slrfc.org/locobrushbagnall.htm

(තවත් කෝච්චි කතාබහකින් හමුවෙමු)

අගුරු නොකා වතුර නොබී කොළඹ දුවන යකඩ යකා...

2010-12-02T23:15:00.005+05:30

ඔන්න යාලුවනේ අද ඉදන් මං පටන් ගන්නවා මං ආසම ක්ෂේත්‍රයක් (මං විතරක් නෙමේ බොහෝ දෙනෙක් කැමති ක්ෂේත්‍රයක් ගැන ලියන්න. ඒ තමයි අපේ මේ පුංචි දිවයින තුල වෙසෙන කොයි කාගෙත් හිතවතා - කෝච්චිය. :)

බාල මහලු වෙනසක් නැතුව කාගේත් නැමැත්ත දිනාගත්තු ලාභදායී වගේම විශ්වාසවන්ත ප්‍රවාහන මාධ්‍ය බවට පත්වෙන අපේ පුංචි රටේ දුම්රිය සේවය සම්බන්ධ විවිධ තොරතුරු ටිකක් ඔබ සමග බෙදාගන්න. වැඩිමනක්ම තාක්ෂණික තොරතුරු.

වර්ෂ 1858 වගේ ඈත අතීතයකදී ලංකාව බරහිර අධිරාජ්‍යවාදීන් ලංකාව පාලනය කරන සමයෙදි ඇරඹුන අපේ දුම්රිය කාලෙත් එක්කම විවිධ වෙනස්කම් සහ නවීකරණයන්ට ලක් වුණා. ඒ කෙසේ වුවත් තවමත් අපේ රටේ දුම්රිය මාර්ග පද්ධතියෙනම් සැලකිය යුතු වර්ධනයක් වෙලා නැහැ. ඒ වුනත් තිබෙන මාර්ග පද්ධතිය මගින් මේ වන විටත් අපේ රටේ වැසියන්ට විතරක් නෙමේ අප රටට එන සංචාරකයන්ටත් සෑහෙන සේවයක් සැලසෙනවා.

ලංකාවේ බොහෝ සුන්දර තැනිතලා, කදු මිටියාවත් ඔස්සේ ඇදීයන උඩරට දුම්රිය මාර්ගයේ වරක් හෝ දුම්රියෙන් ගමන් කරන්නට ඔබ වාසනාවන්යෙක් වෙලා තියෙනව ඇති කියල මං හිතනවා. උඩරට මාර්ගය විතරක් නෙමේ. මුහුදුකරය ඔස්සෙ රුහුණු රටටත් රට මැද තැනිතලාවන් ඔස්සෙ රජරට හරහා උතුරුකරයටත් ඇදෙන මගේ දුම්රියෙන් ගමන් කරන එක මොනතරම් සුන්දර අත්දැකීමක්ද කියල දන්නෙ ඒ වාසනාව උදාකරගත්ත අය විතරයි. තාමත් ඒ අවස්ථාව ඔබට උදා වුනේ නැත්තම් මේ ඉදිරියට එන නිවාඩු කාලෙ තමයි ඒකට ලැබෙන හොදම අවස්ථාව ඒ සුන්දර අත්දැකීම විද ගන්න.

අපිට තවත් සතුටුවෙන්න කාරණාවල් තියනවා. ඒ තමයි පහුගිය සමයෙදි අක්‍රීයව පැවතුන උතුරු දුම්රිය සේවය (වවුනියා-කන්කසන්තුරේ) වගේම මැදවච්චි-තලෙයිමන්නාරම් දුම්රිය මාර්ග දෙක හැකි ඉක්මනින් ගොඩ නගන්නත් කටයුතු යොදා ඇති වග සහ මාතර-කතරගම දුම්රිය මාර්ගය ඉදිකිරීම් ආරම්භ කර ඇතිවග. ඒ කියන්නෙ නුදුරු අතාගතයෙදිම අපිට පුලුවන්වෙයි අපේ මේ පුංචි දිවයිනේ එක කොනක ඉදලා අනෙක් කොන දක්වා එකම කෝච්චියකින් යන්න. ඒක අනිවාර්යයෙන්ම චමත්කාරජනක අත්දැකීමක් වේවි.

(තවත් කෝච්චි කතාබහකින් හමුවෙමු)

ඔන්න කාලෙකට පස්සෙ ආයෙත් ආවා...

2010-12-01T17:02:00.003+05:30

වසරක පමණ දිගු නිහැඩියාවකට පස්සෙ මගේ බ්ලෙග් එක පැත්තෙ එන්න හිතුනා. පහුගිය කාලෙ බ්ලොග් එකක් ලියන්න තියා ඉස්සර වගේ නිදහසේ බ්ලොග් එකක් ලියන්නවත් අවකාශයක් තිබුණෙ නෑ. ඒ ගතවුණු කලෙ ඇතුලත සිංහල බ්ලොග් කලාව තුල සෑහෙන වර්ධනයක් වෙලා තියෙන බව දැක්කම සිතට ඇතිවෙන්නෙ සතුටක්. තමන්ගෙ අදහස්, කවි සින්දු නිර්මාණ, තාක්ෂණික, දේශපාලණික මතවාද ආදී විවිධ තේමා ඔස්සෙ මේ වන විට බ්ලොග් රචකයන් බොහෝ දෙනෙක් පොදි බැදගෙන ඉන්න සිටිනවා.

   ඒ වගේම බ්ලොග් රචකයන්ගෙ හමුවකුත් ලබන මාසෙ පැවැත්වෙන බව දැනගත්තම සැහෙන්න සතුටක් ඇතිවුණා පළමුවෙනි හමුවටනම් යන්න බැරි වුණත් මෙවර හමුවටනම් යන්න තමයි හිතාගෙන ඉන්නෙ. මේ හමුව අපේ බ්ලොග් මිතුරන්ට ඉතා වැදගත් අවස්ථාවක් වේවි.
   පහුගිය කාලෙ තුල සිදුවුන සමහර සිදූවීම් එක්ක බ්ලෙග්කරණයෙන් විතරක් නෙමෙයි තවත් බොහෝ දෙවල් වලින් ඈත් වෙලා ඉන්න තීරණය කලේ. ජීවිතය කියන්නෙ හරිම පුදුම දෙයක්. කලකිරීමෙ පතුලටම වැටීලා හිටපු කාලෙකුත් තිබුණා. ඒත් දැන් ඒ හැම දෙයක්ම අමතක කරලා දාලා පුරුදු රටාවට හුරුවෙන කාලෙ, හිතුනා අයෙත් බ්ලොග් එක ලියන්න පටත් ගන්න ඕනෙ කියලා.
  ඉතින් ඔන්න අද ඉදන් ඉඩ ලැබෙන හැටියට බ්ලොග් එකත් ලියනවා. ඒ කාලෙ මගේ බ්ලොග එක පැත්තෙ ඇවිත් මාව දිරිමත් කරපු හැමෝටමත් ස්තූති කරන්න ඕනෙ. ආයෙත් පුලුවන් වෙලාවට ඇවිත් යන්න කියලා ආරාධනා කරමින් දැනට නවතිනවා.

ඡායාරෑපයට සබැදිය......

ටොරන්ට්ස් බාන එක ප්‍රශ්ණයක්ද?

2010-06-27T18:34:00.003+05:30

බොහෝ දෙනෙකුට තියන ප්‍රශ්නෙ තමයි ටොරන්ට්ස් වලට සීඩ්ස්ල නැති එක. මේ තියෙන්නෙ මම කාලයක් තිස්සෙ එහෙන් මෙහෙන් එකතු කර ගත්තු සීඩ්ස් ල ලිස්ට් එකක්. ඔයාලටත් සීඩ්ස්ල නැති ටොරන්ට්ස් තියෙනවනම් මේව ඇඩ් කරල බලන්න. ගොඩක් වෙලාවට හරියාවි.

udp://denis.stalker.h3q.com:6969/announce

http://denis.stalker.h3q.com:6969/announce

http://tracker.thepiratebay.org/announce

udp://tracker.thepiratebay.org:80/announce

udp://denis.stalker.h3q.com:6969/announce

http://denis.stalker.h3q.com:6969/announce

http://vip.tracker.thepiratebay.org/announce

http://tpb.tracker.thepiratebay.org/announce

http://inferno.demonoid.com:3417/announce

http://www.sumotracker.com/announce

http://tracker.torrentbox.com:2710/announce.

http://tracker.torrent.to:2710/announce

http://tracker.torrentbox.com:2710/announce

udp://tracker.torrentbox.com:2710/announce

http://denis.stalker.h3q.com:6969/announce

http://tracker1.torrentum.pl:6969/announce

http://sombarato.org:6969/announce

http://tracker.torrent.to:2710/announce

http://tracker.thepiratebay.org:6969/announce

http://tracker.openbittorrent.com:80/announce

http://tracker.prq.to/announce

http://gdbt.3322.org:6969/announce

http://tracker.torrentbay.to:6969/announce

http://tracker.ilibr.org:6969/announce

http://tracker.bittorrent.am/announce

http://tracker.mightynova.com:4315/announce

http://tracker.mightynova.com/announce

http://open-tracker.info/announce

http://tracker.xpear.de:6969/announce

http://tracker.torrentalk.com:2710/announce

http://tracker.bitreactor.to:2710/announce

http://tracker.irc.su:80/announce

http://tracker.ex.ua:80/announce

http://tracker.openbittorrent.com:80/announce

udp://tracker.openbittorrent.com:80/announce

http://tracker.publicbt.com:80/announce

udp://tracker.publicbt.com:80/announce

http://denis.stalker.h3q.com:6969/announce

http://tracker.openbittorrent.com:80/announce

udp://tracker.openbittorrent.com:80/announce

http://tracker.publicbt.com:80/announce

udp://tracker.publicbt.com:80/announce

http://denis.stalker.h3q.com:6969/announce

http://pirates-united-tracker.doesntexist.org:6969/announce

http://total.recall.tracker.prq.to:80/announce

http://thetracker.org:80/announce

http://tracker.ex.ua:80/announce

http://tracker.ilibr.org:6969/announce

http://sombarato.org:6969/announce

http://tracker.spitzner.org:6969/announce

http://tracker.openbittorrent.com:80/announce

http://tracker.publicbt.com:80/announce

http://tracker.ilibr.org:6969/announce

http://tracker.torrent.to:2710/announce

http://tpb.tracker.prq.to/announce

http://tracker.hexagon.cc:2710/announce

http://bt1.the9.com:6969/announce

http://pow7.com:80/announce

http://9.rarbg.com:2710/announce

http://10.rarbg.com:80/announce

http://11.rarbg.com/announce

http://tv.tracker.prq.to/announce

http://tracker.xpear.de:6969/announce

http://tracker.torrentbay.to:6969/announce

http://tracker.denness.net/announce

http://tracker.torrent.to:2710/announce

http://opentracker.fr333dom.com:6666/announce

http://tracker.prq.to/announce

http://tracker.irc.su:80/announce

මිහිමත දැවැන්තයා- World Largest Cargo Aircraft- Anotonov AN 225

2010-06-11T02:05:00.002+05:30

කට්ටියට මතක ඇති නේද 2012 චිත්‍රපටයේ තිබෙන දැවැන්ත භාණඩ ප්‍රවාහන ගුවන් යානාව? ඒක තමයි දැනට මේ මිහිපිට තිබෙන දැවැන්තම සහ බරෙන් වැඩිම ගුවන් යානාව. මෙය දැනට ලොව ඇති විශාලම මගී ප්‍රවාහන යානාව වන Airbus A380 ටත් වඩා විශාලයි. ඇත්තටම මේක ගුවන් යානාවක් කියනවට වඩා ගුවන් නැවක් කියන එක තමයි සුදුසු. ඒකට හේතුව තමයි මෙම යානයේ තිබෙන විශාලත්වය. මෙහි පහත තිබෙන ඡායාරෑප බලන්න. Antonov An-225 Mriya නම්න් හැදින්වෙන මෙම දැවැන්තයා 1988 වසරේදී මුල්වරට නිපැයූ අතර එය සෝවියට් සමූහාණ්ඩු/යුක්රේන Antonov සමාගමේ නිමැවුමක්. 21 December 1988 දින මුල් ගුවන් ගමන සාර්ථකව අත් හදා බැලූ මෙම දැවැන්ත යානාව එදා සිට අද දක්වා අඛණ්ඩව තව සේවය ලොවට සපයනවා.

850 km/h උපරිම වේගයෙන් පියාසර කල හැකි අතර මෙය Turbofan වර්ගයේ සුවිශාල එන්ජින් 6කින් සමන්විතයි. හිස්ව ඇති විට යානයේ මුලු බර 285,000 kg පමණ වෙනවා. උපරිම ප්‍රවාහන ධාරිතාවක් ඇතිව ගුවන්ගත වීම සදහා 3,500 m පමණ දිග ධාවන පථයක් අවශ්‍ය මෙයට එක වරකට ගෙනයා හැකි උපරිම බර 640,000 kg පමණ වෙනවා. යානයේ මුලු දිග 84 m ක් වන අතර එහි උස 18.1 m ක් බවයි සදහන් වෙන්නෙ. පියාපත් කෙලවරවල් අතර දුර 88.4 m වෙනවා. හිතාගන්න පුලුවන්ද මෙහි විශාලත්වය?

පහත ඡායාරෑපයෙන් දැක්වෙන්නෙ Buran නැමති අභ්‍යාවකාෂ ෂටලය ඇන්ටනොව් 225 යානාවක් මගින් ප්‍රවාහනය කරන අවස්ථාවක්...

යානයේ ඉහල තට්ටුව සම්පූර්ණයෙන්ම පාහේ පිරී ඇත්තේ මෙවැනි විශාල පාලන උපකරණ වලින්...

යානය පසුපසින් පෙනෙන හැටි....

ඇතුලත තිබෙන ඉඩකඩ කොතරම්ද කියල පේනව නේද?

සද්දන්තයා හසුරැවන පාලන කුටිය........

යානයේ සුවිශේෂත්වය. වෙනත් යානාවල වගේ නොවෙය්. භාණ්ඩ පැටවීම සහ බෑම සිදුකරන්න එහි ඉදිරිපසිනුත් පුලුවන්.

එක් පසෙකට තුනක් බැගින් වන දැවැන්ත එන්ජින්....

මෙවැනි තවත් සුවිශේෂ මෙන්ම ඉතා අලංකාර රෑප රාශියක් අන්තර්ජාලයේ තිබෙනවා.

වැඩි විස්තර මම ගත්තෙ මෙතනින්...

සන්නිවේදන කුලුණු හොඳද නැද්ද?

2010-04-17T20:46:00.005+05:30

FACT SHEET

සන්නිවේදන කුලුණු, එහෙමත් නැත්තම් අපි හැමෝම දන්න විදියට දුරකථන කුලුණු ඔබ අපි කවුරැත් අනන්තවත් දැක තිබෙන දෙයකි. මිනිසාගේ සන්නිවේදන අවශ්‍යතාවයන් පිරිමසා ගැනීමට එයින් ලැබෙනුයේ අති මහත් සේවාවක්. ආසියාතික රටවල් අතුරෙන් වඩා හොද සන්නිවේදන පහසුකම් ඇති රටවල් කිහිපය අතරට අපේ රටද එක් වීමට සෘජුවම වගකිව යුතු, ජංගම සන්නිවේදන සබදතා හෙවත් Mobile Conections සපයන සේවා සපයන්නන්ගේ මෙවැනි කුලුණු රාශියක් ගොඩනැගිලි මුදුන්වල, කදු මුදුන්වල, තැනිතලා, වනපෙත් ආදී මෙනි නොකී බොහෝ ස්ථාන රැසකදී අප රට පුරාම දැකගත හැකියි.(කෙසේ වුවද ශ්‍රීලංකාවේ සන්නිවේදන පහසුකම් අනෙකුත් ආසියානු රටවල් සමග සසදද්දීනම් කිසිසේත් සතුටු විය නොහැකි බව සදහන් කරනු කැමැත්තෙමි.)

විද්‍යුත් වශයෙන් ලෝකයේ මුල් වරට සන්නිවේදන කුලුණු ඉදි වෙන්නේ 1844දී තරම් ඈතකදීය. සැමුවෙල් මෝර්ස් විසින් සුප්‍රසිද්ධ “මෝස් සංඥා ක්‍රමය” ලොවට හදුන්වා දීමත් සමග ඇතිවන අවශ්‍යතාවයක් උදෙසායි. මේවා රැහැන් සහිත සම්බන්ධතාවයන් වූ අතර මුල් වරට රැහැන් රහිත සන්නිවේදන ක්‍රමයක් ලොවට ඉදිරිපත් කලේ සුප්‍රකට “ගුග්ලි එල්මෝ මාර්‍කෝනි” විසිනි. මෙම ක්‍රමය ජනප්‍රිය විමත් සමග ලොව පුරා ‍රේඩියෝ හෙවත් වෑර්ලස් සේවාවන් සදහා රැහැන් රහිත කුලුණු ඉදිවීම ආරම්භ විය. ජංගම දුරකථන සේවා සදහා මුල් වරට කුලුණක් ඉදිවන්නේ 1947 දී පමණ යුගයේදීය. ලංකාවේදී මුල් වරට ජංගම සන්නිවේදන සේවාවන් ආරම්භ වූයේ කිනම් කාලයකදැයි නිවැරදිව සොයා ගැනීමට කතෘට නොහැකි විය. දන්නා අයෙකු එය මෙහි සටහනක් ලෙස යෙදිය හැකිනම් අගනේය.

දැනට සන්නිවේදන සේවා සපයන ආයතන හයක් පමණ අප රට තුල ක්‍රියාත්මක වන අතර එම සමාගම් වලට අයත් මෙවැනි කුලුණු 6000කට ආසන්න සංඛ්‍යාවක් රට පුරාම ඉදිවී ඇත. මෑත කාලයේදී රටේ ඇතිවෙමින් තිබෙන සන්නිවේදන සේවා සැපයීමේ තරගකාරි බව හේතු කොටගෙන මෙම කුලුණු විශාල ප්‍රමාණයක් ඉතා කෙටි කලක් තුල රට පුරා ඉදි කෙරිණි. වසර 2006 වන විට රට තුල තිබූ කුලුණු සංඛ්‍යාව 3200 පමණ වූ බව ගණන් බලා ඇති අතර මේ වන විට එය දෙගුණයක් වි ඇති බව පෙනේ. මේ අනුව බලන කල වසර තුනක් වැනි කෙටි කලකදී රට තුල සන්නිවේදන කුලුණු සංඛ්‍යාව දෙගුණ වී ඇති අතර ඉන් හැගෙනුයේ ආවරණය වන ප්‍රමාණය ඉති විශාල ලෙස වැඩිවී ඇති බවයි. මේ වන විට යාපනය අර්ධද්වීපය ඇතුලු උතුරැ නැගෙනහිර බොහෝ ප්‍රදේශ රාශියකටද සන්නිවේදන පහසුකම් ලැබෙමින් පවතින අතර වසර 2010 අවසාන වන විට කුලුණු සංඛ්‍යාව 10000කට ආසන්න වනු ඇති බව මෙයින් පැහැදිලි වේ.

කෙසේ වුවද මේ ආකාරයට ඉවක් බවක් නැතිව රට පුරාම මෙසේ කුලුණු ඉදිකිරිම නම් ගැටලු සහගත බවයි බොහො දෙනෙකුගෙ මතය. මේ නිසා අකුනු හරවා යවන බවත් නොසිතු විරැ ලෙස ඇතැම් ප්‍රදේශ වල මෙම කුලුණු ඉදි කිරීම නිසා හම ප්‍රදේශ වලට අකුණු ඇද එන බව බොහෝ අයෙකු ප්‍රකාශ කරති. කෙසේ වුවද මෙය විද්‍යාත්මකව නම් අසත්‍යයක් වන අතර එසේ කිසිදු ආකාරයකින් අකුණු ඇද ගැනීමක් හෝ හරවා යැවීමක් නොවන අතර අකුණු නිවාරණය කිරීම පමණක් සිදුවන බව ලිපියේ කතෘ අසා ඇති මතයයි.

තවත් එක් මතයක් වන්නේ මෙම කුලුණු නිසා ‍සත්වයින්ට සෞඛ්‍යමය බලපෑම් ඇතිවන බවයි. මෙයින් පිටවන අධි සංඛ්‍යාත රේඩියෝ තරංග නිසා‍ මෙවැනි කණු ආශ්‍රිතව දිවි ගෙවන පුද්ගලයන්ට විවිධ හානි ඇතිවන අතර ඒ අතර විවිධ මානසික ආබාධ, ශ්‍රවණ ආබාධ, කළල ගබ්සා වීමි, අංගවිකල දරැ උපත් ආදිය වන බව යම් යම් අය ප්‍රකාශ කරනු මෙම ලිපියේ කතෘ අසා ඇත. (කෙසේ වුවද මෙහි විද්‍යාත්මක සත්‍ය බව ගැන කතෘවරයාටද ගැටලු සහගත බවක් ඇත. එබැවින් එය සංවාදයට විවෘත කරමි.) මෙවැනි මත නිසා බොහෝ විට මෙවැනි කුලුණු පිහිටා ඇති ඇතැම් ප්‍රදේශ වල අවට ඉඩම් ආදියෙහි මිල නම් අඩු බව අත් දැක තිබේ.

මේ පහත දැක්වෙන්නේ ලෝක සෞඛ්‍ය සංවිධානය මේ පිලිබදව දරන මතයයි.

The World Health Organisation’s current advice is:

“None of the recent reviews have concluded that exposure to RF fields from mobile phones and their base stations cause any adverse health consequences.”

මීට අමතරව මෙම ආශ්‍රිත ප්‍රදේශ වල කාමි සතුන්ගේ හැසිරිම් රටාවන්ද වෙනස් වන බව ඇතැම් අය ප්‍රකාශ කරනු දැකිය හැක. මි මැස්සන් ආදී කෘමින් මෙම ප්‍රදේශ අත හැර යන බවත් ගස් වැල් වල පලදාව අඩු වන බවත් ආදී හේතු ප්‍රකාශ කරන පුද්ගලයන් කිහිපදෙනෙකු සමග අදහස් හුවමාරැ කරගැනීමටද කතෘවරයාට අවස්ථාව ලැබිණි.

බොහෝ විට අත් දැක ඇති කරැණක් මෙහිලා සදහන් කල යුතුය. ජාත්‍යන්තර සම්මත රීතින් අනුව මිටර 500ක අරයක් ඇති ප්‍රදේශයක මෙවැනි කුලුණු පිහිටිය හැක්කේ එකම එකක් පමණයි. නමුත් අප රට තුල ඇති තත්වය ඉතා කණගාටුදායකය. එක ස්ථානයේම කණු තුන හතරක් ඇති අවස්ථා මෙරට තුල බහුලය. බොහෝ විට සමාගම් ආර්ථික වාසි තකා මෙසේ කණු ඇති තැන්වලද අලුතෙක් ඉදිකරන බව නම් පෙනේ. ඔවුන් පවසන්නේ තදබදය අඩුකරගැනීමට මෙසේ කරන බවයි. මෙසේ ඉවක් බවක් නැතිව කරන ඉදිකිරීම් නිසා (විශේෂයෙන් වනපෙත් ආශ්‍රිතව) ස්වභාවික සෞන්දර්යය කෙරෙහිනම් බලපෑම් ඇති වන බව පෙනේ. එහි සත්‍ය අසත්‍ය බව තීරණය කිරීම පාඨකයාගේ අයිතියයි.

මෙහි සදහන් කරුණු ඇතැම් ඒවා බාහිර පරිසරයෙන් ලබා ගත් අතර ඒවා කතෘගේ පුද්ගලික අදහස් නොවන බව සලකන්න.

සංවාදයට විවෘතය.

අපේ කාලේ යතිවරයාණෝ...... අති පූජ්‍ය ගංගොඩවිල සෝම හිමි......

2010-04-04T23:24:00.001+05:30

ඔබ සැමට මතක ඇති අපේ දේශය අවදි කරන්නට හඩ නැගු අපේ ගරු ගංගොඩවිල සෝම හිමියන්ව. උන් වහන්සේව ඉතා සුක්ෂම ලෙස සැලසුම් කර අපවත් කරන ලද බව තමයි බොහෝ දෙනාගෙ පිලිගැනීම.. මේ ඡායාරෑප මට ඊමේලයක් මගින් ලැබුනෙ. බලන්නකො....

අපේ දුම්රිය සේවයේ ඉතිහාසයෙන්....

2010-03-07T23:56:00.003+05:30

මට මගේ යාලුවෙක් ඊමේල් එකක් එවලා තිබුනා. අපේ දුම්රිය සේවයේ පරණ ඡායාරූප වගයක් එක්ක. ඉතින් මං හිතුවා ඔයාලටත් ඒක ලබා දුන්නොත් හොදයි කියලා. පරණ ‍ඓතිහාසික ඡායාරුප එකතු කරන අයටනම් මෙවා වැදගත් වෙයි.. බලන්නකො කොහොමද කියලා......

මේ තියෙන්නෙ බණ්ඩාරවෙල නගරය...(මහා මාර්ගයයි දුම්රිය මගයි හමුවන තැන)

ඔහිය දුම්රිය ස්ථානය (1894)

ඒ කාලෙ ඩක්කු මේ වගේ......(ගමන් පහසුවට)

මේ කඩුගන්නාව දුර්ගය 1910දි.....(ඔය කෝච්චියකුත් එන්නෙ)

කොළඹ නුවර දුම්රිය මාර්ගයේ තවත් ස්ථාන කීපයක්.....

මේ‍ කොළඹ මහනුවර මාර්ගය හදන කාලෙ ගත්ත ජායාරෑප 1860

ඒ කාලෙ දුම්රිය මාර්ගයේ පාලමක්.....

මේ තියෙන්නෙ කඩුගන්නාව දුම්රිය ස්ථානය සදහා පිවිසෙන මාර්ගය . සුප්‍රසිද්ධ ඩෝසන් කුලුණත් පසුසින් තියෙනවා...

1860දි කොළඹ කොටුව ප්‍රධාන දුම්රිය ස්ථානය....

සුප්‍රසිද්ධ ගිංතොට පාලම......

1909දි එන්ජින් අංක 66 කුරුණෑගලදී.....

1890 දි කුරුණැගල පොතුහැර දුම්රිය ස්ථානය......

කදුලට ඉඩක්......

2010-03-04T10:20:00.000+05:30

මම අලුතෙන් බ්ලොග් එකක් පටන් ගත්තා. මොකද මේකේ මම ලියන්න හිටියේ තාක්ෂණීක දේවල් ‍වගේ ඒවනේ. මට හිතෙන වෙන වෙන කුරැටු ගී වගේ ඒවා ලියන්න වෙනම බ්ලොග් එකක් හදන්න මං ගොඩක් දවස් ඉදන් හිටියේ. විභාගෙ ඉවර වෙන්නත් ලගයි. දැන් ලියන්න නිදහස තියෙන නිසා ලියන්න පුලුවන්. මේක සිංහ බ්ලොගයට ගන්නකම් ඊ කික්ස් එකෙත් ලින්ක්ස් දාන්නම්. විවේක වෙලාවක එන්නකො.

මගේ අලුත් බ්ලොග් එක http://love-hurt-tears.blogspot.com/
කොමෙන්ට් එකක් දාලා යනවනම් ඒක මට ලොකු ශක්තියක් වෙයි......

(අ)හිමිවීම.........

2010-03-02T08:04:00.001+05:30

කටුක ජීවිතේ පිටුවක් පෙරලා

සොදුරැ වසන්තය උදා වුනා....

ඔබේ ලොවේ හිරැ කුමරුන් වන්නට

පෙර දිනයක මට වර ලැබුණා....

නිල් අහසේ සදවතිය දිලෙන

විට ඔබෙ රුව ඒ මත මට පෙනුනා....

සමන් වැලේ මල් සුවද දැනෙන

විට ඔබ මා ලග යැයි මට දැනුනා....

පෙර සසරේ අප පැතූ පැතුම්

ලෙස ආදරයෙන් මා හා බැදුනා....

ජීවිතයේ දුටු ලස්සන සිහිනය

පෙර දිනයක ඔබ සැබෑ කලා.......

ගායනය- S දසනායක

(නොලැබෙයිද) ආදරය.....

2010-02-22T06:46:00.000+05:30

අරුණලු කැලුම් ගෙන
හිරු මඩල නැගෙන සද
කැකුලු හිනැහෙන සීත උදයේ
නුඹේ සුන්දර වත කමල
නෙතු ගැටෙන ඇසිල්ලෙහි
මා සිතට නැගෙන්නේ ආදරය බැව්
සත්තයි....
නුඹේ දෙනෙත අභිමුවෙහි
මා සිත ගොලු වී
මුවින් පිට නොවන
හැගුම් පෙල
ආදරය නොවේ නම්.........

ටෙලිකොම් අන්තර්(ජං)ජාල ගාස්තු ක්‍රමය....

2010-01-31T22:53:00.009+05:30

අන්තර්ජාල සේවා සපයන දිවයිනේ අනෙකුත් ආයතන හා සසඳා බලන කල ශ්‍රී ලංකා ටෙලිකොම් ආයතනය ගුණාත්මක බවින් ඉදිරියෙන් සිටින බව පොදුවේ සැවොම පිලිගන්නා සත්‍යයයි. අන්තර්ජාල සේවා සපයන ආයතන කිහිපයක් අප රටේ තිබුණද වැඩි දෙනෙකු විසින් ටෙලිකොම් ආයතනය තෝරාගනු ලබන්නේ එහි ඇති එම සුවිශේෂි වු විස්වාසවන්ත සේවය සහ ගුණාත්මක බව නිසාමය.
කෙසේ වුවද ටෙලිකොම් ආයතනය මෙම සේවා සඳහා අයකරන ගාස්තු සම්බන්ධයෙන් යම් ගැටලූකාරී තත්වයකට මුහුණ දීමට පාරිභෝගිකයන්ට සිදුවී ඇත. ශ්‍රී ලංකා ටෙලිකොම් මොබිටෙල් ආයතනයේ පැකේජයන් සමග සැසඳීමේදී වැඩි පිරිසක් භාවිතා කරන SLT Entree පැකේජයේ මාසික ගාස්තුව මොබිටෙල් ආයතනයේ සමාන පැකේජයක් සඳහා අයකරන ගාස්තුවට වඩා ඉහලය.
පැකේජය   අවම ගාස්තුව                             මාසයකට නොමිලේ භාවිතය
SLT Entree                        500.00 Rs                                    1GB
Mobitel Zoom 490             490.00 Rs                                   1.5GB
Mobitel උපහාර                 240.00 Rs                                     1GB
Mobitel Zoom 890             890.00 Rs                                    4GB
   අමතර භාවිතය සඳහා ගාස්තු:-
•   ශ්‍රී ලංකා ටෙලිකොම්                      - 1MB සඳහා රු 0.50
•   ශ්‍රී ලංකා ටෙලිකොම් මොබිටෙල්   - 10MB සඳහා රු 2.00

මෙසේ ශ්‍රි ලංකා ටෙලිකොම් සමාගමේම ආයතනයක් අඩු මිලට සිය පාරිභෝගිකයන්ට සේවය සපයද්දී ටෙලිකොම් ආයතනය තම පාරිභෝගිකයන්ගෙන් වැඩි මුදලක් අය කිරීම ටෙලිකොම් ආයතනයෙන් සේවාව ලබාගන්නා පාරිභෝගිකයන්ට කරන බලවත් අසාධාරණයකි. පවතින තත්වය හමුවේ මොබිටෙල් වෙත මාරු වීමද කල නොහැක්කකි. පාසල් සිසුන්, විශ්ව විද්‍යාල සිසුන්, අනෙකුත් උසස් අධ්‍යාපනය ලබන සිසුන් සහ අනෙකුත් සාමාන්‍ය පාරිභෝගිකයන් ඇතුලූව වැඩි පිරිසක් භාවිතා කරන්නේ මෙම SLT Entree සබඳතාවය බැවින් මෙම ගැටලූව ඔවුන් සියලූම දෙනා කෙරෙහි බලපායි.
මෙම ගැටලූවට විසඳුමක් ලෙස පහසුවෙන්ම SLT Home පැකේජයට මාරු වීමට හැකි සේ පෙනී ගියද සියලූ බදු සමග එම පැකේජයේ මාසික ගාස්තුව රු 2000.00 ක් පමණ වන බැවින් එයද ප්‍රායෝගිකව දුෂ්කර කාර්යයකි.

එබැවින් මේ පිළිබඳව සලකා බැලිමේදී වැඩි දෙනාගේ අදහස් අනුව පහත විකල්ප, යෝජනා ලෙස ඉදිරිපත් කල හැකිය.
1).SLT Entree පැකේජය සඳහා මසකට නොමිලේ භාවිතා කල හැකි සීමාව 2 GB දක්වා වත්
    වැඩි කිරීම.
    (පවතින අවම ගාස්තුව යටතේ (එනම් රු 500.00) ලැඛෙන නොමිලේ භාවිත කල හැකි සීමාව
     2GB දක්වා වැඩි කිරීම මගින් ශ්‍රී ලංකා ටෙලිකොම් පාරිභෝගිකයන්ට යම් වාසියක් සැලසෙනු ඇත.)
2).SLT Entree පැකේජයේ මාසික ගාස්තුව පහත දැමීම.
    (SLT Entree පැකේජයේ ගාස්තුව අවම වශයෙන් රු 300.00 ක් වැනි මුදලක් දක්වා වත් අඩුකිරීමෙන් ශ්‍රීලංකා ටෙලිකොම් පාරිභෝගිකයන් හට සහනයක් සැලසෙනු ඇත.)

බොහෝ පිරිසක් අන්තර්ජාල පහසුකම් සඳහා ටෙලිකොම් අන්තර්ජාල සේවාව භාවිතා කරන බැවින් මේ පිළිබඳව එම ආයතනය විසින් ගන්නා තිරණ වත්මන් පරිශීලකයන්ගේ මෙන්ම ඉදිරියේදී මෙම සේවා ලබා ගැනීමට බලාපොරොත්තුවෙන් සිටින බොහෝ දෙනෙකු කෙරෙහිද සෘජුවම බලපාන බැවින් ටෙලිකොම් ආයතනය පාරිභෝගිකයන් වෙනුවෙන් යම් සහනදායී පියවරක් අනුගමනය කිරීමට කටයුතු කල යුතුය යන්න මාගේ හැගීමයි.
(කරුණාකර ඔබගේ අදහස් මෙහි සටහන් කර යන්න.)

බ්ලොග් එක වෙන තැනකට share කරන්න tab එකක් දාන්න කැමතිද?

2010-01-29T19:36:00.001+05:30

ඔයාල දැකල ඇතිනෙ ගොඩක් බ්ලොග්ස් වල content එකට යටින් තියෙනවා share කියලා ටැබ් එකක්. ඒකෙන් පුලුවන් ඔයාල ලියන බ්ලොග්ස් facebook, tweeter වගේ තැන් වල post කරන්න. මේ පහල තියෙන්නෙ මගෙ බ්ලොග් එකෙන් ගත්ත ඉමේජ් එකක්.

ඉතිං ඔයාලත් අසද මේ වගේ share ටැබ් එකක් ඔයාලගෙ බ්ලොග් පොස්ට් එකට ඇඩ් කරගන්න? එහෙනම් කරන්න තියෙන්නෙ මෙන්න මෙච්චරයි.

http://www.addtoany.com/
සයිට් එකට යන්න. එතන තියෙනවා පහල තියෙන විදිහේ ගැජට් එකක්.

එතන පොයින්ට් කලාම එන මෙනු එකෙන් ඔයාගෙ බ්ලොග් එකේ provider තෝරගෙන ඉතිරි උපදෙස් නිවැරදිව පිලිපදින්න. නිවැරදිව කලානම් ඔයාලගෙ බ්ලොග් සයිට් එකටත් ඒවගේ share tab එකක් ලැබෙයි.

(කෝකටත් කියලා ඔක්කොටම කලින් ඔයාගෙ බ්ලොග් එක බැකප් කරගත්ත‍නම් තමයි හොද. නැත්තම් මොකක්හරි වරදක් උනොත් බ්ලොග් එක අවුල් වෙන්නත් බැරිනෑ. මොකද කියනවනම් පහුගිය දවස් ටිකේ modification කරන්න ගිය අපේ යාලුවො කීපදෙනෙකුගේ සයිට් කොට උඩ ගියා කියලා තමයි ආරංචිය. අනික සයිට් එක backup කරගන්න එක කොහොමත් හොදයිනේ.)

ගූගල් වොයිස්.........

2010-01-27T23:32:00.001+05:30

නම ඇසූ පමණින්ම ගූගල් වොයිස් යනු ගූගල් සමාගමේ තවත් එක් සේවාවක් පමණක් යැයි ඔබට සිතෙනු ඇත.
ගුගල් වොයිස් යනුවෙන් හැදින්වෙන්නේ එකවර දුරකථන කිහිපයක් සමග වැඩකිරීම ඉතා පහසුවෙන් ඉටු කරගත හැකි සේවාවකි.
ඇමතුම් පමණක් නොව ඒ හරහා හඩ පණිවිඩ සේවවන් ආදියද පහසුවෙන් හාවිතා කල හැකිය. ගුගල් වොයිස් සේවාව වෙනුවෙන්ම සැකසුන Apps ජංගම දුරකථනයට ඇතුලත් කරගැනිමෙන් මෙම සේවාව නවීන ජංගම දුරකථන වලදී පහසුවෙන් ක්‍රියාත්මක කොට ගත හැක.
http://m.google.com/voice හරහා මෙම සේවාව අත්විදිය හැක.

බ්ලොග් කරුවෝ ජයටම කඩේ ගියෝය.......

2010-01-26T21:45:00.001+05:30

හදිසියේම කඩාවැටුන මැතිවරණයත් සමගින් විවිධාකාර පාර්ශවයන් නොයෙකුත් ආකාරයේ ප්‍රචාරණ ක්‍රම භාවිතා කලහ. රාජ්‍ය මාධ්‍ය ආණ්ඩුවට කඩේ ගිය අතර විපක්ෂයේ අඩුපාඩු හැල්ලුවට ලක්කොට ඔවුන්ට මඩ, අපහාස නොයෙකුත් අසෝභන දැ කල කීහ. විපක්ෂයේ ඇත්තන්ගෙන්ද මීට වඩා යහපත් දෙයක් යොවු අතර ප්‍රධාන දෙපාර්ශවය දෙපසට වී එකිනෙකාට මඩ ගසාගත්හ. පුද්ගලික මධ්‍ය ආයතනද තමන් තෝරාගත් පුද්ගලයන් වෙනුවෙන් කඩේ ගියහ. ගැටලුවක් නැත. ඒ මේ ජරා දේශපාලනයේ හැටිය. ඔවුන් දෙපසට වී මහජනයාට පෙනෙන්නට බැන ගනිති. මඩ ගසති. හමුවු විට කිසිවක් නොවූ සේ සතුටු සාමීචියේ යෙදී කා බී විනෝදයෙන් ගත කරයි.යලි පරණ ක්‍රමයමයි. එසේ සිට අනෙකාගේ වැරැද්ද පෙන්නමින් තමා වෙත ජනතා කැමැත්ත ඉල්ලයි. අවසානයේදී එනකකු දිනයි. කෙසේ වුවද පරදින්නේ මහජනතාවය. වීරයෝ බලු වෙති. පුරුදු ජීවන රටාවට යොමු වෙයි.

මෙම ජනපතිවරණයේදී සිදුවු ‍දෑ කෙසේ වුවද අපට අදාල වූ එක් කරුණක් කෙරේ අවධානය යොමුකල යුතුව ඇත. SBU හි බොහෝ පිරිසක් තමතමාගේ විවිධාකාර දේශපාලන මතවාද ප්‍රකාශ කිරිමේ මුවාවෙන් ඔබ්බට ගොස් විවිධ පාර්ශව වෙත මඩ සැපයීමේ කාර්යය සදහා පෙලඹුන බව සියලු දෙනා පොදුවේ දුටු සත්‍යයයි. තමතමාගේ දේශපාලන මතවාද දැරීමේ අයිතිය අපට ඇත. ඒ ගැන ගැටලුවක් නැත. නමුත් අප බ්ලොග් කරුවන්ගේ සංසදය වශයෙන් එක්ව සිටීමේ මූලික අරමුණ මීට බොහෝ සෙයින් වෙනස්ය. එය පසෙක තබා ඇතැමුන් මෙසේ විවිධ පක්ෂ වල මඩ ප්‍රචාර වලට වාහක මාධ්‍යයක් විය යුතු යැයි ඔබ අනුමත කරන්නේද?

බ්ලොග් ලියන්නනි. කිසිවකු මෙසේ එකිනෙකා වෙනුවෙන් කඩේ යා යුතුද? මඩ සැපයිය යුතුද? අපේ අරමුණ විය යුත්තේ ඊට බොහෝ සෙයින් ඔබ්බට ගිය පරාර්ථකාමී හැගීමෙන් යුක්ත දෙයක් නොවේදී? අප බෙදිය යුතු නැත. ජන්දයක් අවසානයේ යමෙකු දිනයි. නමුත් අවසානයේ අප සියල්ලලෝම පෙර සේ එක්ව සුපුරුදු රටාව අනුව යා යුතුය. එබැවින් බුද්ධිමත් පුරවැසියෙකු ලෙස කටයුතු කිරීම ඔබේත් මගේත් සැබෑ වගකීමයි.

පක්ෂ දේශපාලනය වෙනුවෙන් කඩේ නොගිය(මඩ සැපයීමෙන් වැලකී සිටි) බ්ලොග් කරුවන්ට ...::eKicKs::... උපහාරය!!!!!!!

Install නැති ලෝකයක්.....

2010-01-19T08:03:00.002+05:30

මෙච්චර කාලයක් අපි පරිගණකයකින් වැඩක් ගනිද්දි පාවිච්චි කරපු software වැඩි හරියක් මුලින්ම ඉන්ස්ටෝල් කරන්න ඕනෙ වුනානෙ. ඒක ඉතින් මොන වදයක්ද? සැරින් සැරේ දාන්නයි ඒවයෙ setup files හොයන්නයි ගියාම එපා වෙනවා. ඒ මදිවට ඒවා crack කරන්නයි වැඩ ගොඩයි. කැම්පස් එකේදි නම් වැඩ කරන්න software එකක් දාගන්න ගියාම admin ගෙ ගනන් බලන්නත් ඕනනෙ.

ඒත් දැන් ඒ කරදරයට හොද විසදුමක් තියෙනවා. ඒ තමයි portable software. Photoshop, Dreamweaver, Firefox වගේ දැනට ලොකයේ හාවිතා කරන ජනප්‍රිය මෘදුකාංග බොහොමයක් දැන් මේ ආකාරයට තියෙන නිසා කලින් කිව්ව කරදර නැතුව අපේ වැඩ පහසුවෙන් කරගන්න පුලුවන්. ගොඩක් වෙබ් අඩවි වල වේ මෘදුකාංග ඩවුන්ලෝඩ් කරන්න තියෙනවා.

www.portableapps.com

කියන්නේ එ වගේ ජනප්‍රිය සයිට් එකක්. තව ඕන තරම් තියෙනවා.

Hand Phone එකෙන් Film එකක් බලන්න සෙටි වෙමුද?

2010-01-06T19:28:00.001+05:30

(මේ ගැන මම කලිනුත් පොස්ට් එකක් දැම්මා හදිස්සියෙ දැම්මෙ. කැම්පස් එකෙන් ගෙදර දුවන්න බලාගෙන. මෙන්න වැඩිදුර විස්තර.)

ඔන්න මෙච්චර කාලයක් අඩුවකට තිබුණ ගැජට් එකකුත් දැං ‍මොබයිල් වලට ඇවිල්ලා. මතකද ගඩොල් කුට්ටියක් විතර අත් දුරකතන ආවට පස්සේ ගොඩක් අය එකතුවෙලා ඒක දියුණු කලා. කලු සුදු තිරේ වෙනුවට පාට පාට තිරයක් ආවා. ගේම්ස්, ඉන්ටර්නෙට් වගේ අමතර පහසුකම් වගේම කැමරාව රේඩියෝව රූපවාහිනී නැරඹීම වයිෆයි වගේ සෑහෙන තරම් විශාල පහසුකම් ගොන්නක්ම අපි අතේ ගෙනයන ‍මේ දුරකතනයට එකතු වෙද්දී ප්රරමාණයෙනුත් එන්න එන්නම පුංචි උනා වගේම බලවත් උනානෙ.

දැං ඒපාර ඔන්න තවත් ගැජට් එකකුත් ඇවිත්. ඒ තමයි ඔබේ දුරකථනයට සවිකල හැකි ප්රොදජෙක්ටර් එකක්. බය වෙන්න දෙයක් නෑ. මේක අපි දැකලා තියෙන සාමාන්යඔ ප්රොිජෙක්ටර් ‍තරම් විශාල නැහැ. සාක්කුවෙ දාගෙන යන්න පුලුවන්. පුදුමයි නේද? බලන්නකො මේ රූප දිහා.

දියුණු කරන්න පටන් අරන් සෑයෙන කාලයක් වුන මේ ගැජට් එක සාර්ථකව නිපදවලා ඔන්න දැං ‍වෙළදපොලට දානවලු. දුරකතනය ඇතුලතම සවිකල (Inbuilt/ Embeded) වගේම ඊට පිටතින් සවිකරන්න පුලුවන් (External) යන දෙආකාරයටම මේ උපකරණ නිපදවෙනවා. මොකද කියන්නේ. ඒ කියන්නෙ ඉස්සර වගේ පුංචි තිරයක ‍අතේ තියාගෙන මොනවා හරි බැලුවට වඩා ලේසියෙන් විශාල තිරයක බලාගන්න පුලුවන් වෙයි නේද? ඇදක පොඩි නැප් එකක් දානගමන් සිවිලිමට එල්ල කරලා වීඩියෝ එකක් බලන්න එහෙම දැන් ගේමක් නෑ. ලංකාවට ආවම මාත් එකක් ගන්න ඕන.

මෙන්න ලින්ක් එක. රවුමක් දාලා බලන්නකො. වීඩියෝ එහෙමත් තියෙනවා. වැඩ කරන හැටි එහෙමත් බලාගන්න පුලුවන්.

http://www.microvision.com/

ජංගම දුරකතනයට ප්‍රොජෙක්ටරයක් සවි කරමුද?

2010-01-06T12:58:00.001+05:30

ඔන්න යාලුවනේ ජංගම දුරකතනයට ප්‍රොජෙක්ටරයක් ඇවිල්ලා.

දැන් ඉතින් මෙනවා වෙයිද?
http://www.microvision.com/ ගිහිල්ලා බලන්නකෝ.
මරු වැඩේ.

නොඉදුල් මල

2010-01-06T09:22:00.001+05:30

සහසක් රැකවරණ මැද
සුපිපුනත් කටුපදුරු අග
පුංචි රෝසමලේ නුඹ....
කුමන වෙහෙසක්ද
ලං වන්නට නුඹ වෙතට
දහසක් වූ බඹර කැලට....