ලැප් එක මස් කලෙමි. (නාහෙට නාහන උන් බැලීම තහනම්)

    ඔන්න කාලෙකට පස්සේ බ්ලොග් එක මතක් වුනා. සෑහෙන කාලෙකින් මොකුත් ලියන්න බැරි වුනානෙ. ආ.. සයිබර් සැණකෙලියට ගිහිල්ලා මැක්සම ෆන් එකක් ගත්තා. ඒක මෙවර සංවිධානය කරපු සියලුම දෙනාට ස්තූතිවන්ත වෙන්න ඕන. මේ පාර අලුත් බ්ලොග් ලියන්නන් සහ ලියන්නියන් පිරිසක් හඳුනාගන්න පුලුවන් වුනා.

පින්තූරෙ ගයාන්ගෙ. ඉස්සුවෙ මෙතනින්

    කෙහොමින් කොහාමින් හරි ගෙදරට වෙලා කම්මැලි කමින් තමා මේ දවස්ටිකේ ඉන්නේ. ලැපී තමා සැනසුමට එකම මග. COMPAQ CQ60 එකක්. ඒත් ඉතින් ටික කාලෙක ඉඳලා මේකට එක එක ලෙඩ රෝග එන්න පටන් අරන්නේ. තියෙන ලොකුම ප්‍රශ්නෙ තමා හිතාගන්න බැරි තරම් රත් වෙන එක. රත්වෙන එක COMPAQ වල හැටියක්ලු. ඒත් මේක සෑහෙන්න රත් වෙනවා. රත්වෙලා වැඩි කමටම එකපාරටම ඕෆ්වෙලා යනවා. මොකක් හරි වැඩක් කරන ගමන් Save කරලා තිබ්බෙ නැත්තං අනාතයි.

    පොඩ්ඩක් හොයල බැලුවම තේරුණා ෆැන් එක හිරවෙලා නිසා වෙන්න ඕන කියලා. ඉන්ටර්නෙටුත් නැතුවනේ හිටියේ බිල ගෙවලා නැති නිසා. කරන්න වැඩකුත් නැති එකේ උදේපාන්දරම හිතුවා ලැපීව ගලවලා සුද්දයක් දෙන්න ඕන කියලා. පරහකට හිටියේ ජීවිතේටම ලැපක් ගලවලා නැති එක. වැඩේ වැරදුනොත් ඉතින් සොරිම තමා. ඒ අස්සේ ඕන කරන Tools මොනවත් ඇත්තෙත් නැහැ. ඒත් ඉතින් එහෙම කියලා බැහැනේ. හිච්චි කොල්ලා කාලෙ ඉඳන් අතට අහුවෙන ඕනම දෙයක් කෑලි වලට ගලවලා බලන එක තමා පුරුද්ද. ඒ නිසා මේ පාරත් වැඩේ අත ඇරියේ නැහැ. (හැබැයි කලින් දවසකුත් ලැප ගලවන්න බැරුව වැඩේ අත ඇරලා දැම්මා.)

     ටූල් වලට කියලා හම්බවුනේ ටෙස්ටර් එකකුයි පොඩි මල් ස්කුරුප්පු නියනකුයි විතරයි. අයේ සල්ලි සල්ලි කියලා බැලුවේ නැහැ. පිටිපස්සේ තියෙන ඇණ සේරම පිලිවෙලකට ගලවලා එහෙන් මෙහෙන් ඇදලා උස්සලා බැලුවා. ම්හු. පලු වෙන පාටක් නැහැ. ඒම කියලා බැහැනේ. ටිකක් එහෙ මෙහෙ කරලා බැලුවා. ලිඩ් එක ඇරියා විතරයි මෙන්න කීබෝර්ඩ් එක අතේ :D

    දැන් තමා වැඩේ මීටර් වුනේ. එතන තව ඇණ වගයක් තියෙනවා. ඒවුවත් ගැලෙවුවම පිලිවෙලින් ලැප කෑලි කරගන්න පුලුවන් වුනා. මෙන්න කෑලි ටික :D 

(පින්තූරේ බුකියට දාපු වෙලාවෙ නම් මරු කමෙන්ට් එහෙම දාලා තිබුණා. :D) 

    කෝම හරි ගලෝගත්තා කියමුකෝ. ඊ ලඟ ප්‍රශ්නෙ තමා පිලිවෙලකට ආපහු තිබ්බ විදියටම හයි කරන එක. හයි කලාට මදි. වැඩ කරන්නත් එපැයි. :D ඒ අස්සේ ගලවපු ඩේටා කේබල් වගයක් ගැලවුන පැත්ත හොයාගන්න බැරුවත් හිටියේ. හයි කරන එක පස්සේ වැඩක්නේ කියලා පොඩ්ඩ්ක් කැලි ටික පැත්තට ඇහැ දාලා බැලුවාම තමා තරු පෙනුනේ. කූලිං ෆැන් එකේ ෂටර් එකක් කියලා හොයාගන්න නැහැ. හීට් සින්ක් එකයි වෙන්ටිලේෂන් මවුත් එකයි සේරම වැහිලා. ඒක සුද්ද කරන්න හයි කම්ප්‍රෙෂන් එයා ෆ්ලෝ එකක් ඕනලු. :D අපිට කොයින්ද ඕවා. හොඳට පණ ඇරලා ගත්තා හුස්මක්. පිම්බා. :P එහෙම ටිකක් වෙලා දඟලාලා ෆැන් එක එහෙම්පිටින්ම සුද්ද කරගත්තා. 

මෙන්න මුන් තමා මාරයෝ වගේ ඒක අස්සේ හිටියේ. 

ඉතින් රත් වෙන එක අහන්නත් දෙයක්යැ. :D

    සේරම කෑලි බෑලි ටික සුද්ද කරලා අමාරුවෙන් පැයක් විතර දඟලලා ආපහු හයි කරගත්තා. මදෑ ඔයින් ගියා. මැනුවල් එකක්වත් නැතුවනේ වැඩේට අත ගැහුවේ.

හැබැයි ඉතින් හයි කරලා බලද්දි ඇණ දෙකක් ඉතුරුයි :D

    මේ ඉන්නේ. දැන්නම් එලකිරි වගේ වැඩ. කලින් වගේ රත් වෙන්නෙත් නැහැ.

උපදේශය:- 

මෙවුවා කියවලා බලලා ඔන්න ලැප් ගලවලා ආපහු හයිකරගන්න බැරි වුනොත් ඕන් මම නම් වග කියන්නෙ නැහැ. :D